web counter
LEXO PA REKLAMA!

SHKARKO APP

App Store
Google Play

E fundit!

x

“Spastrimet nisin më 15 shtator”/ Paralajmërohen zgjedhje brenda PS

21 Korrik 2021, 08:06, Politikë CNA

Sekretari Organizativ i Partisë Socialiste, Arben Pëllumbi ka folur lidhur me krijimin e një komisioni të posaçëm, i cili do të udhëheqë procesin e analizës për votat e 25 prillit.

Sipas Pëllumbit ky komision do të merret me përgatitjen e metodikës për analizën në të gjithë territorin e vendit.

?Partia Socialiste është në fazën e konstituimit të komisionit të posaçëm, i cili do të merret me përgatitjen e metodikës, e cila do të bëhet e gjithë analiza që të kemi një standard analitik në të gjithë territorin e vendit. Jemi duke diskutuar faktin nëse në një zonë do të jetë drejtuesi i qarkut ai, i cili do të mbikëqyrë procesin apo do të delegojmë dikë tjetër?, tha ai.

Ai theksoi se spastrimet në parti do të nisin nga data 15 shtator ku ndërsa më pas në 15 nëntor do të kalohet në një nivel më të lartë, atë të njësisë administrative, në nivel bashkie dhe më pas në nivel qarku. Sipas tij i gjithë procesi do të përfundojë në mes të muajit janar.

?Nga 15 shtatori deri në 15 nëntor neve kemi procesin e analizës në çdo qelizë dhe njëkohësisht të zgjedhjeve, pas 15 nëntorit kalojmë në një rang më të lartë, kalojmë në nivelin e njësisë administrative, në nivel bashkie dhe më pas në nivel qarku, për ta përfunduar në mes të janarit?, tha ai.

Mes të tjerash Pëllumbi paralajmëron zgjedhje në kryesi.

?Përfundon edhe mandati një vjeçar i Kryesisë, Sekretariatit dhe Sekretarit të Përgjithshëm. Besoj që do të jetë edhe periudha që do të përkojë edhe me një mbledhje të re të Asamblesë Kombëtare, për të përcaktuar nëse do të kemi shtyrje të mandatit apo zgjedhje të reja, unë personalisht jam për zgjedhje të reja?, tha Sekretari Organizativ i PS./CNA.al





Lajmet e fundit nga