web counter
LEXO PA REKLAMA!

SHKARKO APP

App Store
Google Play

Si pastrohen paratë e drogës në Bashkinë e Fierit/ Socialistët zbardhin aferat kriminale të njëri tjetrit

20 Korrik 2021, 06:51, Politikë CNA

Nuk ndalet deputeti socialist Petro Koçi me thirrjet ndaj SPAK, për të zbarkuar në Fier. Tenderat jaën kryefjalë që sipas Koçit, SPAK, duhet të hetojë në Bashkinë e Fierit.

?Efektet e SPAK dhe të Reformës në Drejtësi po japin rezultat. Reforma në Drejtësi është meritë shembullore e PS. Bota e krimit dhe të korruptuarit kanë filluar të ndjejnë frikë nga ligji.

Këto efekte i mirëpresim edhe në Fier, ku duart e krimit janë shtrirë mbi financat publike?, shkruan Koçi në rrjetet sociale.

Sipas tij, protagonistë të trafikut të drogës dhe te dhunës tashmë kane legalizuar subjekte biznesi që fitojne tendera publike.

?Këtë e realizojnë nëpërmjet lidhjeve të drejtpërdrejta me ndonjë titullar institucionesh. Nëpërmjet kërcënimit të zyrtarëve të caktuar që ekzekutojnë prokurimet. Nëpërmjet eleminimit të konkurentëve në procesin e tenderimit duke kërcënuar pronarët e subjekteve te biznesit.

Te fuqizuar, sidomos duke larë paratë e pista në industrinë e ndërtimit ata vazhdojnë të përvetësojne fitime kolosale nga taksat tona.

Organet ligjzbatuese nuk duhet të lejojnë që qyteti ynë t?i nënshtrohet botës së krimit të organizuar.

Partia Socialiste nuk bën  asnjë hap pas në luftën ndaj së keqes?, shkruan më tej Koçi./CNA.al





Lajmet e fundit nga