web counter
LEXO PA REKLAMA!

SHKARKO APP

App Store
Google Play

Nuk mori pjesë në Kuvendin Kombëtar të PD/ Nishani tregon arsyen dhe sulmon Bashën

19 Korrik 2021, 15:12, Politikë CNA

Ish-Presidenti Bujar Nishani ka folur mbi situatën në Partinë Demokratike ndërsa nuk i kurse aspak kritikat për Lulzim Bashën, për të cilin tha se po bën gjithçka për të vazhduar të mbajë karrigen e pushtetit.

?Këto janë koncepte që nuk kanë lidhje me traditën e PD. Nuk mund të mbytësh zërat kundër nëse ti i ke apo nuk i ke në një forum të caktuar partie. Njerëzit që ndjejnë përgjegjësi qytetare nuk kanë nevojë për poste. Këtu është një çështje më madhore se postet, Historikisht në PD ka pasur kuvende të jashtëzakonshme, por nuk kanë ndërprerë mandatet as të institucioneve dhe as individëve. Është hera e parë që ndodh kjo. Është hera e parë që PD rri 12 vite në opozitë. Ka vetëm një përgjegjës, Lulzim Basha, që do të vazhdojë me çdo mënyrë të mbaje karrigen e kryetarit?, u shpreh Nishani, në një intervistë për Fax News.

Duke folur për Kuvendin Kombëtar të PD-së, i cili mbajti një takim ditën e shtunë, Bujar Nishani tha se ai nuk u thirr për hallet e PD-së, por për të mbyllur hallet politike të PD-së. Lidhur me mungesën e tij në Kuvend ai u shoreh se ?nuk mund të beheshe pjesë e këtij teatri absurd?.

?Po i ndodhin shumë gjëra të papëlqyeshme për herë të parë. Mbi të gjitha duhej të projektohej e ardhmja. Këtë radhë kuvendi nuk u thirr për hallin e PD-së, opozitës, apo shqiptarëve, por për të mbyllur hallet politike të Bashës. Prandaj unë nuk mund të bëhesha pjesë e një teatri absurd. Ndjej keqardhje të thellë për situatën ku PD është sot. Përgjegjësitë politike nuk janë kolektive por individuale. Kryetari i Partisë e ka çuar PD drejt tkurrjes, drejt humbjes së besueshmërisë në opinionin publik. Sot PD ka marrë një rezultat më të dobët se në vitin 2013. Ndryshimet statutore nuk i shërbejnë nevojave të PD, por për t?i shërbyer tregimit të forcës që bën Lulzim Basha ndaj anëtarësisë. Unë nuk mund të behesha pjesë e këtij teatri absurd?, u shpreh Nishani./CNA.al





Lajmet e fundit nga