web counter
LEXO PA REKLAMA!

SHKARKO APP

App Store
Google Play

E fundit!

x

Pronarët e lokaleve kërkojnë zgjatje të orës policore/ Komiteti Teknik paralajmëron lëvizjen e radhës

19 Korrik 2021, 12:41, Politikë CNA

Pas kryeministrit Edi Rama, edhe Komiteti Teknik i Ekspertëve ka reaguar në lidhje me protestën e bizneseve, që kërkojnë zgjatjen e orës policore.

Komiteti Teknik i Ekspertëve, bën të ditur se sot në orën 15:00, do të zhvillojë një mbledhje, ku pritet të vendoset nëse do të ketë ndryshim të masave anti-COVID.

Kujtojmë këtu se protesta në Vlorë u përshkallëzua, ku pronarët kanë mbyllur lokalet e tyre përgjatë Lungomares për 24 orë.

Pas kësaj, kryeministri Edi Rama reagoi duke njoftuar zgjatjen e me një orë të lejimit të muzikës në lokale, pra deri në orën 23:00 dhe heqjen e orës policore për zonat turistike.

“Protestë në Lungomare për muzikën? 1.Lungomare s’ka muzikë po ndotje akustike të tmerrshme ku përzihen dhjetëra linja burime menjëherë 2.E drejta e atyre që duan zhurmë muzikore tërë natën nuk fiton dot mbi të drejtën e atyre që natën duan zhurmën e detit. 3. Siç është lajmëruar, nga data 20 korrik muzika do të ndalet në 23.00 në çdo zonë turistike të banuar dhe kush do të kërcejë e të këndojë tërë natën po të dojë, le të organizohet në natyrë, në pika ku nuk shqetëson njeri – si në tërë botën e civilizuar turistike”, tha Rama./CNA.al





Lajmet e fundit nga