“PD më e dobët se kurrë, nuk ka besueshmëri dhe integritet”/ Nuk përmbahet më Bujar Nishani

21 Korrik 2021, 14:03, Politikë CNA

Ish-Presidenti Bujar Nishani, është shprehur i alarmuar për gjendjen në të cilën ndodhet sot Partia Demokratike.

Sipas tij, PD është në udhëkryq të historisë politike sot.

? PD nuk ka qenë kurrë më e dobët politikisht sesa sot, nuk ka qenë kurrë më e përçarë sesa sot, nuk ka pasur kurrë këtë nivel të ulët besueshmërie në opinionin publik sesa ka sot.

PD po vetizolohet ndaj shoqërisë. PD ka nevojë për një reflektim të thellë dhe një reformë të gjerë.

PD i duhet të sendërtojë kolonat e ideologjisë së saj si parti e qendrës së djathtë duke pasur në konsideratë rrethanat historike, sociale e kulturore të shoqërisë sonë?, është shprehur Nishani në një intervistë për gazetën ?Panorama.

Ai ka thënë më tej se PD i duhet një statut organizimi dhe funksionimi ku të bëhet e mundur gara reale me qëllim ofrimin e kapaciteteve qytetare me influenca tek elektorati.

Sipas Nishanit PD i duhen teza të drejtpërdrejta që ndeshen fort me sfidat që kanë shqiptarët sot, si korrupsionin, pasuritë e paligjshme, krimi në politikë, varfëria, shëndetësia, standardi jetesës.

?PD i duhet ekip që reflekton aftësi, integritet, besueshmëri, qytetari. Këto janë emergjente, përndryshe nuk ka alternative?, ka thënë Nishani.

I pyetur nëse PD është një forcë alternativë qeverisëse, Nishani ka thënë se në fakt ky duhej të ishte qëllimi i PD dhe misioni I Opozitës.

?Gjithçka na shqetëson, gjithçka kërkojmë të ndryshojë është në shërbim të asaj. Të qenit alternativë qeverisëse. Problemi më i madh sot në Shqipëri është keqqeverisja. Degradim i pushtetit. Shkatërrimi i shtetit dhe interesave më bazike të shoqërisë. Por që kjo të ndryshojë, duhet pasur mekanizma politikë eficientë dhe funksionalë.

PD është më kryesori për sa flasim e veprojmë brenda një sistemi politik. Ndaj duhet nisur nga rregullimi i këtij mekanizmi, i cili sot nuk është i duhuri. P

D, duke qenë në atë udhëkryq që përmenda pak më lart, pikërisht këtë rrezikon si fatalitetin e saj. Humbjen e të qenit alternativë qeverisëse. Nëse mbërrin deri aty, atëherë nuk kemi më përgjegjësi politike, por shumë më tepër se kaq?, është shprehur Nishani./CNA.al