web counter
LEXO PA REKLAMA!

SHKARKO APP

App Store
Google Play

Siguruan mandatin e tretë/ Leskaj: Vlerësoj Ramën për “shtrirjen e dorës” për bashkëpunim me PD

29 Maj 2021, 17:24, Politikë CNA

Ish nënkryetarja e Kuvendit Valentina Leskaj ka komentuar fitoren e mandatit të tretë dhe ndryshimet që duhet të bëjnë.

Sipas saj, në këtë mandat peshon shumë përgjegjësia sepse duhet të plotësohen pritshmëritë e personave që ju kanë besuar dhe i kanë votuar.

Leskaj shtoi se Partia Socialiste duhet të bëjë ndryshimet që nuk i kemi dhe që Shqipëria ka nevojë.

?Një mandat i tretë është një lloj krenarie për socialistët, një arritje. Por jo vetëm për ta, pasi të dhënat tregojnë se nuk kanë votuar një pjesë e socialistëve, por një pjesë e mirë e shqiptarëve. Në mandatin e tretë peshon më shumë përgjegjësia. Përgjegjësia për të justifikuar mbështetjen, besimin që të kanë dhënë njerëzit dhe për të plotësuar pritshmëritë se ata që të kanë votuar kanë ndaj teje. PS, duhet të mendojë për një ndryshim të madh. Në kushtet që jemi, mendoj se PS-ja duhet të bëjë një ndryshim të madh. Ato ndryshime pozitive ende që nuk i kemi dhe që Shqipëria ka nevojë?, u shpreh Leskaj.

E ftuar në News 24 Leskaj tha se vlerëson shumë shtrirjen e dorës për bashkëpunim nga ana e kryeministrit Edi Rama drejt PD-së.

?Unë përveçse është një shenjë emancipuese, është mesazh emancipues, pasi gjëja që na ka munguar është bashkëpunimi. Nëse katandisemi që të flasim për zgjedhjet dhe mungesën e dialogut, do të thotë që jemi në kushtet e diskutimit të një demokracie minimale. Jemi një vend që është në pritshmëri për çeljen e konferencës ndërqeveritare për negociatat?, shtoi Harxhi./ CNA.al





Lajmet e fundit nga