web counter
LEXO PA REKLAMA!

SHKARKO APP

App Store
Google Play

Helmimi i nxënësve në Tushemisht/ Mjeku hedh poshtë pretendimet, 'e kanë nga lodhja'

29 Maj 2021, 19:22, Politikë CNA

Dy vajza të moshës 13-vjeçare janë paraqitur me simptoma helmimi ditën e sotme në spitalin e Pogradecit.

Fillimisht u raportua se ato mund të ishin helmuar gjatë drekës në një lokal në fshatin Tushemisht, por këto pretendime janë hedhur poshtë nga mjeku pediatër i këtij spitali.

Ai ka deklaruar për mediat se vajzat kanë pasur dhimbje barku dhe të vjella dhe pasi kanë marrë mjekimin, pas dy orësh kanë dalë nga spitali dhe janë nisur drejt Tiranës.

Ndërkohë sipas mjekut pjesa tjetër e nxënësve që kanë drekuar bashkë me dy 13-vjeçaret që kanë shfaqur probleme shëndetësore nuk kanë pasur asnjë simptomë duke forcuar dyshimet se përkeqësimi i gjendjes së tyre nuk ka ardhur nga ushqimi.

Si shkak mjeku përcakton lodhjen nga rruga ose temperaturat e larta.

Policia njoftoi se 13-vjeçaret K. Sh. dhe Xh. S. kanë qenë në një ekspeditë mësimore nga Tirana dhe janë ndalur për të drekuar ku dhe dyshohet se janë helmuar. /CNA.al

 

 





Lajmet e fundit nga