web counter
LEXO PA REKLAMA!

SHKARKO APP

App Store
Google Play

E fundit!

x

KAS rrëzoi ankimimin e PD dhe LSI/ Reagon ashpër Bardhi: Jeni shërbëtorë të Ramës

12 Maj 2021, 17:40, Politikë CNA

Komisioni i Ankimimeve dhe Sanksioneve pranë KQZ rrëzoi sot ankimimet e PD-së dhe LSI-së për qarkun e Gjirokastrës, që lidhen me akuzat e tyre për manipulim të votave.

Për këtë ka reaguar pak më parë sekretari i Përgjithshëm i PD-së Gazment Bardhi, i cili i quan anëtarët e KAS shërbëtorë të kryeministrit Edi Rama.

Sipas tij, ata u mohuan shqiptarëve të drejtën për transparencën e masakrës zgjedhore, ndërsa paralajmëron se transparenca do të bëhet e plotë me hir ose pahir.

?Komisioni i Ankesave dhe Sanksioneve në KQZ u mohoi sot shqiptarëve transparencën për masakrën zgjedhore të 25 Prillit. 3 anëtarët e zgjedhur nga PS refuzuan, në mënyrë të paligjshme, pa asnjë argument të marrin nga institucionet shtetërore provat që faktojnë se PS përdori burimet shtetërore dhe kriminale për deformimin e vullnetit të zgjedhësve.

Duke refuzuar të marrë dhe administrojë informacionin zyrtar për punësimet masive të paligjshme, përdorimin e personave me rekorde kriminale për blerjen e votave, dhënien e paligjshme të lejeve të legalizimit apo favoreve të tjera shtetërore në këmbim të votave, KAS bëhet palë me pushtetin për blerjen e zgjedhjeve.

Ky është një akt i përsëritur, kur  shërbëtorët e Ramës u heqin shqiptarëve të drejtën për një proces të ndershëm zgjedhor. Me vendimin për fletën e ndërlikuar të votimit, për shkak të të cilit vota e 83 mijë qytetarëve u bë e pavlefshme, KAS faktohet si bashkëautor i masakrës elektorale të 25 Prillit.

Edi Rama mund ta pengojë tani, por nuk ka forcë ta ndalojë transparencën për masakrën zgjedhore. Transparenca dhe drejtësia për 25 Prillin do të bëhet e plotë, do apo nuk do Rama dhe veglat e tij në KAS?, shkruan Bardhi në rrjetet sociale./ CNA.al





Lajmet e fundit nga