Rama bën premtimin e madh/ Zbulon ligjin e parë që do të miratohet në shtator

12 Maj 2021, 16:57, Politikë CNA

Kryeministri Edi Rama ka zgjedhur ditën ndërkombëtare të infermierit për të zbuluar vendimin e parë të qeverisë që do të miratohet në shtator.

Shqipëria prej më shumë se një viti është duke luftuar me pandeminë globale Covid -19 dhe të shumë janë mjekët dhe infermierët që e kanë humbur këtë luftë, në raport me popullsinë totale.

Por për qeverinë e re, familja e të rënit në krye të detyrës do të jetë primare. Nga amfiteatri në Liqenin Artificial, Rama deklaroi se ligji i ri do të jetë një ndihmë financiare për fëmijët e mjekëve dhe infermierëve që kanë rënë në krye të detyrës deri sa ata të arrijnë moshën madhore për të dalë në jetë.

?Nga ana tjetër duke parë fotografitë e kolegëve tuaj që humbën jetën në këtë përpjekje, më duket vendi i duhur ta përsëris që e kanë marrë qysh përpara ditës së zgjedhjeve që vendimi i parë i qeverisë së re do i kushtohet këtyre vajzave dhe djemve që i kanë shërbyer qytetarëve, shtetit.

Fëmijët e të rënëve nuk do të jenë vetëm pasi me këtë ligj të ri që ne do të miratojmë, për ta deri në ditën e daljes së tyre të pavarur në jetë do kujdeset Republika e Shqipërisë në mënyrë të posaçme Është sekëlldisëse dhe e kam provuar kur dikush e bën një akt heroik si ai djali i ri që ishte edhe një baba i ri që humb8i jetën për të shpëtuar të tjerët nga flakët dhe gjëja që shteti bën si rezultat i marrë më parë është të dorëzojë një certifikatë dhe ti lidhë familjes një pension shumë modest.

Patjetër që kjo është më shumë sesa asgjë por unë besoj se ne jemi më të mirë se kaq dhe mund të bëjmë më shumë se kaq si shoqëri në emër të shqipërisë ndsaj është koha që jo vetëm ti nderojmë këta njerëz të mirë dhe profesionistë të përkushtuar me titullin e dëshmorit por të marrim përsipër të kujdesemi për fëmijët e tyre në mënyrë që bashkëshortët e tyre të mos kenë vetëm certifikatën e varur në mur dhe atë pensionin modest për një jetë të humbur që nuk kthehet më, por edhe një mbështetje të vazhdueshme dhe të pandërprerë për fëmijët”, tha Rama./CNA.al