web counter
LEXO PA REKLAMA!

SHKARKO APP

App Store
Google Play

E fundit!

x

Ankimimet e PD-LSI për rezultatin e zgjedhjeve në qarkun Gjirokastër/ KAS merr vendimin

12 Maj 2021, 14:07, Politikë CNA

Në një seancë maratonë, Komisioni i Ankimimeve dhe Sanksioneve pranë KQZ është duke shqyrtuar ankesat që kanë depozituar PD, LSI dhe kandidatët e pavarur.

Deri më tani në KAS është shqyrtuar vetëm ankesat për qarkun e Gjirokastrës, ku ankimime kanë depozituar PD, LSI dhe kandidati i pavarur, Kreshnik Merxhani.

Sipas Euronews, gjatë këtyre 6 orëve mbledhje nuk kanë munguar as debatet mes përfaqësuesve të partive, por edhe anëtarëve të KAS.

KAS aktualisht është tërhequr për të diskutuar mbi vendimmarrjen mbi pretendimet për Qarkun e Gjirokastrës lidhur me procesin e 25 prillit.

Për zgjedhjet në KAS janë dorëzuar 18 kërkesa ankimore nga subjektet politike, ku 9 kërkesa janë nga PD, 5 kërkesa janë nga LSI, 2 nga koalicioni ABEOK si dhe kandidatët e pavarur Iljaz Shehu, Boiken Abazi dhe Kreshnik Merxhani.

Në tre ankimimet e paraqitura në KAS kërkojnë për vlefshmërinë e procesit zgjedhor. LSI thotë se masa e Komitetit Teknik të Ekspertëve që vendosi për karantinimin e udhëtarëve nga Greqia dhe Maqedonia e Veriut ka ndikuar në rezultat.

Ndërkohë PD akuzon se mazhoranca ka përdorur burime dhe asete shtetërore për të manipuluar votën si dhe ka blerë vota. Kurse pretendimi i kandidatit të pavarur lidhet kryesisht me manipulimin gjatë numërimit të votave./CNA.al





Lajmet e fundit nga