web counter
LEXO PA REKLAMA!

SHKARKO APP

App Store
Google Play

Kadilli mesazh demokratëve/ “Të ofrojmë një qasje dhe opozitë të re”

12 Maj 2021, 12:45, Politikë CNA

I vetshpallur kandidat për kryetar të Partisë Demokratike Fatbardh Kadilli u është drejtuar të gjithë demokratëve me një videomesazh në rrjetet e tij sociale ku akuzon lidershipin e PD për humbjen e zgjedhjeve të 25 prillit.

?Cili demokrat nuk u shqetësua deri në lodhje nga vonesat e lidershipit, nga mungesa e ekipeve politike në terren? Cili demokrat nuk u lodh deri në rraskapitje nga paqartësitë e lidershipit? Nga mungesa e informacionit për çdo vendim të rëndësishëm? Cili demokrat nuk u rraskapit deri në stërmundim pse nuk u mobilizuan gjithë energjitë, gjithë faktorët dhe gjithë individët që mund të sillnin ndryshimin? Të gjitha dyshimet tona, që i ngritëm me ndershmëri mes nesh, nga anëtari më i thjeshtë, te drejtuesit e degëve e deri në qendër, janë sot pasqyra ku shohim fytyrën e humbjes. Të gjitha mëdyshjet dhe shqetësimet që i ngritëm liderit, me besnikëri, që të na dëgjohej zëri, ranë në një vesh shurdhër?, është shprehur Kadilli.

Gjithashtu ai thekson më tej se ndryshimin e kundërshtarit e bëjmë duke ndryshuar së pari vetë, duke propozuar qasje të re dhe projekt të ri për PD-në.

?Edhe në përballjen e radhës edhe në zgjedhjet e tjera, ndryshimin e kundërshtarit e bëjmë duke ndryshuar së pari vetë. Duke bërë pyetjen: a duhet të ndryshojmë diçka apo të vazhdojmë kështu se jemi mirë? Është koha të jemi të vërtetë me veten si demokratë. Të ofrojmë një qasje të re. Një projekt të ri politik për Partinë Demokratike. Një opozitë të re. Për të gjithë. Me të gjithë. Gjithkund dhe gjithherë”, thuhet në videomesazhin e tij./ CNA.al





Lajmet e fundit nga