web counter
LEXO PA REKLAMA!

SHKARKO APP

App Store
Google Play

Edi Rama zotohet para infermierëve/ “Do të ketë rritje të pagës me 40%”

12 Maj 2021, 17:02, Politikë CNA

Kryeministri Edi Rama në ditën kombëtarë të infermierëve ka premtuar se në mandatin e tretë do të vijojë të rrisë pagat e tyre. Rama shprehet se do të ketë një rritje të pagës me 40% dhe sipas tij kjo gjë është 100% e sigurt.

Më tej, ai shprehet shumë i lumtur dhe krenar që vendi ynë renditet në krye të klasifikimit në vendet e rajonit për vaksinimin dhe thekson se Shqipëria është një nga vendet që paraqet një rrezikshmëri të ulët përsa i përket Covid-19.

?Kjo është dita për të thënë që ne nuk do ia kishim dalë dot, as më shumë më pa sesa kaq, nëse nuk do të kishim investuar me të gjitha forcat, edhe pse jo të mjaftueshme mundësitë tona për ta ngritur në një nivel tjetër spitalet, pagën e mjekëve dhe infermierëve, e për t?i krijuar kushte të mira pune dhe atë parakusht të domosdoshëm që ka munguar. Nga ana tjetër dua t?ju them përsëri dhe sot kur zgjedhjet kanë mbaruar që rritja e pagës së infermiereve dhe infermierëve ka qenë e konsiderueshme, por e pamjaftueshme.

Angazhimi ynë për të arritur pagën brenda mandatit të ri, në 40% akoma, është angazhim që mbetet dhe që do e përmbushim 100%. Për t?u mos u zgjatur në shumë gjëra që ia vlejnë të thuhen në një ditë si ky, dua të nënvizoj edhe diçka tjetër. Ne flasim për vaksinat dhe vaksinimet, është legjitime të jemi krenar për çka kemi arritur, sepse normalisht kemi bërë detyrën, por padiskutim edhe të tjerë si ne do të kishin dashur të bënin detyrën, po ja që jo të gjithë sot ne jemi në të njëjtën pozicion. Është krenari ta shohësh Shqipërinë në pjesën e sipërme të klasifikimit të vendeve Evropiane, ashtu sikundër, është kënaqësi të shohësh që Shqipëria së bashku me Finlandën janë dy vende me riskun më të ulët në Evropë, në këtë moment.“, u shpreh Rama. /CNA.al





Lajmet e fundit nga