web counter
LEXO PA REKLAMA!

SHKARKO APP

App Store
Google Play

E fundit!

x

Studimi/ Të paktën 50 për qind e rasteve të reja me Covid-19, përhapen nga njerëz që nuk kanë simptoma

9 Janar 2021, 09:24, Blog CNA

Që nga ditët e para të pandemisë, studiuesit e mësuan se njerëzit me Covid-19 mund ta përhapin sëmundjen përpara se të zhvillojnë simptomat, dhe madje edhe nëse nuk ndihen asnjëherë të sëmurë.

Një studim i botuar së fundmi në?Journal of the American Medical Association?, përcakton sasinë e rasteve të reja të transmetuara nga njerëzit pa simptoma:të paktën 50 për qind. Zbulimet konfirmojnë pretendimin e Qendrave për Kontrollin dhe Parandalimin e Sëmundjeve në SHBA (CDC) në nëntorin e vitit të shkuar, kur agjencia tha se njerëzit pa simptoma ?vlerësohej se përbënin më shumë se 50 për qind të transmetimeve?.

Xhej Batler, zëvendës drejtor për sëmundjet infektive në CDC dhe një nga autorët kryesorë të studimit të ri, tha se gjetjet përforcojnë rëndësinë e zbatimit të rekomandimeve të shëndetit publik nga qytetarët për mbajtjen e maskës dhe distancimin social.

?Ka pasur ende disa polemika mbi vlerën zbutëse të komunitetit – maskat e fytyrës, distancimi shoqëror dhe higjiena e duarve – për të kufizuar përhapjen e virusit?- thotë Batler për Business Insider. ?Por ky studim tregon se ndërsa shqyrtimi i simptomave mund të ketë ndonjë vlerë, reduktimi i përhapjes si dhe testimi i planifikuar strategjik i personave në një mjedis të caktuar, do të jetë një përfitim i rëndësishëm?– shton ai.

Për studimin, studiuesit i ndanë transmetuesit e mundshëm Covid-19 në 3 grupe: para-simptomatike (njerëz që nuk kishin pasur ende simptoma), asnjëherë simptomatike, dhe simptomatikë. Studiuesit më pas modeluan se sa nga secili grup do të transmetonin Covid-19 në varësi të ditës kur njerëzit ishin më infektues.
Në fillim, ata supozuan se njerëzit në të gjitha grupet, do të ishin më infektues 5 ditë pasi të ekspozoheshin ndaj koronavirusit. Kjo është ajo që studiuesit kanë zbuluar të jetë periudha mesatare e inkubacionit, kohëzgjatja që duhet për shumicën e njerëzve qëtë shfaqin simptoma pas ekspozimit ndaj virusit.

Në fillim modeli supozonte se 30 për qind e njerëzve ishin pa simptoma, dhe se ata individë ishin 75 për qind po aq infektues sa njerëzit që do të shfaqnin simptoma. Bazuar në ato supozime, rezultatet sugjeruan që vetëm njerëzit asimptomatikë ishin përgjegjës për 24 për qind të infeksioneve. Por studiuesit gjithashtu modeluan skenarët në të cilët infektiviteti më i madh ndodhte pas 3, 4, 6, apo7 ditësh. Ata ngritën dhe ulën përqindjen e njerëzve asimptomatikë në model, si dhe shkallën e tyre të infektivitetit në krahasim me grupet e tjera.

U zbulua në shumicën e këtyre skenarëve, se njerëzit pa simptoma (asimptomatike dhe presimptomatike) transmetonin të paktën 50 për qind të infeksioneve të reja. ?Përqindja e transmetimeve, mbeti përgjithësisht mbi 50 për qind në një gamë të gjerë vlerash bazë?- tha Batler, duke shtuar se qëndrueshmëria e kësaj gjetje ishte befasuese. Edhe në vlerësimin më konservator, në të cilin piku i infektivitetit vinte pas 7 ditësh nga ekspozimi, dhe njerëzit asimptomatik përbënin 0 për qind të transmetimit, grupi para-simptomatik shkaktonte ende më shumë se 25 për qind të rasteve në përgjithësi.

Megjithatë, Batler dhe bashkautorët e tij paralajmëruan se modeli i tyre ka të ngjarë t`a nënvlerësojë përqindjen reale të rasteve me Covid-19 të shkaktuar nga njerëz pa simptoma, pasi ata i llogaritën normat e transmetimit sikur të gjithë do të lëviznin si zakonisht.

Por në realitet, shumë restorante dhe institucione të tjera bëjnë kontrolle për ethe dhe simptoma të tjera, për të ndaluar hyrjen e njerëzve simptomatikë. Për më tepër, shumë njerëz me simptoma izolohen në shtëpi, çka bën të ketë më pak gjasa që ata t`a përhapin COVID-19, ndryshe nga njerëzit pa simptoma që ndihen të shëndetshëm./Përshtatur nga CNA.al

Burimi:https://www.businessinsider.com/half-covid-19-cases-spread-from-people-without-symptoms-2021-1?r=US&IR=T





Lajmet e fundit nga