E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Iku nga frika e Vettingut/ “Rebelohet sheiku”, Agim Bendo ndaj KPK-së

10 Dhjetor 2020, 13:59, Vetingu CNA

Vetëm në drejtësinë shqiptare ndodhin çudira. Në kohën që pritej të filtrohej nga Vettingu pasi hetimet kishin nisur, Agim Bendo gjyqtar në Apelin e Tiranës, bën kërkesë për dorëheqje.

Këshilli i Lartë Gjyqësor e aprovoi dorëheqjen e tij dhe vuri në dijeni Komisionin e Pavarur të Kualifikimit.

Në këto rrethana në Dhjetor të vitit 2019, Komisioni i Vettingut, shkalla e parë, ndërpreu procesin e rivlerësimit për Agim Bendon.

?Ndërprerja e procesit të rivlerësimit për shkak të dorëheqjes së subjektit të rivlerësimit sjell si pasojë përfundimin e kësaj procedure administrative dhe, si rrjedhojë, subjekti i rivlerësimit humbet të drejtën për t?u emëruar gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshëm, për një periudhë 15-vjeçare, sipas parashikimeve të pikës 2, të nenit G, të Aneksit të Kushtetutës?, thuhej në njoftimin e KPK-së.

Por, Bendo, nuk është dakort që të qëndrojë 15 vite jashtë sistemit të drejtësisë, pasi dyshohet se qëllimi i tij ka qenë që të mbetej jashtë, aq sa kohë të zgjasë procesi i Vettingut. Ndaj Bendo ka ankimuar vendimin e KPK, në Kolegjin e Posaçëm të Apelimit. Kolegji i Posaçëm i Apelimit ka marrë çështjen në duar por anëtarja Ina Rama, nuk ka dashur të jetë pjesë e trupit gjykues për Bendon.

KPA ka njoftuar se me datë 03.12.2020, gjyqtarja Ina Rama, e caktuar anëtare në çështjen (JR) nr. 9/2020, datë 13.02.2020 që i përket ankimit të subjektit të rivlerësimit Agim Bendo kundër vendimit nr. 216, datë 04.12.2019 të Komisionit të Pavarur të Kualifikimit, është zëvendësuar nga gjyqtarja Albana Shtylla.

Zëvendësimi i gjyqtares Ina Rama, sipas KPA, është bërë për shkak të pamundësisë së saj për arsye objektive, për të marrë pjesë në seancën në dhomë këshillimi të çështjes (JR) nr. 9/2020, datë 13.02.2020, që do të zhvillohet më datë 10.12.2020.

Bendo u shpëtoi hetimeve

Gjyqtari Agim Bendo ka qenë në të njëjtin trup gjykues me gjyqtarin Shkëlim Miri apo gjyqtarin 300 milionësh, në çështjen e Gentjan Dodës.
Bendo ka qenë kreu i trupit gjykues, ndërsa Miri, në cilësinë e anëtarit. Shkëlqim Miri, u hetua, u arrestua dhe u dënua për marrje parash në këmbim të vendimit gjyqësor për Gentjan Dodën. Por, Bendo nuk u hetua edhe pse ka votuar në favor të Gentjan Dodës njësoj si gjyqtari Miri.
Nëë vitin 2014, gazeta ?Shqip? raportonte se gjyqtari i Apelit Agim Bendo, u bë shkas për një precedent tepër të rrezikshëm për drejtësinë.

Bendo gjykoi një të pandehur me të cilin kishte lidhje familjare. Alarmi u dha nga organi i akuzës, por Bendo u duk se i kishte ?krahët? më të fortë. Sipas akuzës, pandehuri kishte lidhje familjare me gjyqtarin Agim Bendo dhe konkretisht ishte nipi i bashkëshortes së tij.

Pasuria marramendëse e Agim Bendos

Në vitin 2003, Bendo deklaron tre apartamente, një zyrë dhe një makinë, në bashkëpronësi me bashkëshorten. Po në të njëjtin vit, bashkëshortja e tij, Lindita Bendo deklaron se kunata i ka dhuruar 4.2 % të aksioneve në shoqërinë ?TREX?, me vlerë 1 500 000 lekë. Të ardhura nga kjo shoqëri bashkëshortja i ka deklaruar deri në vitin 2016.

Po, në vitin 2003 Bendo deklaron një makinë tip Volksvagen, por pa specifikuar vlerën, të cilën e ka shitur në vitin 2008 me vlerë 8 mijë euro. Po në të njëjtin vit ka blerë një makine tip Mercedes Benz në vlerën 12 000 mijë euro.

Në vitin 2012, bashkëshortja, Lindita Bendo ka blerë një apartament banimi me sipërfaqe 200.8 metra katror në vlerën 111 000 euro si dhe tre garazhe në vlerën totale 9 000 euro. Gjithashtu bashkëshortja deklaron blerjen e një tjetër makine tip Peugeot në vlerën 13 150 euro, ndërsa djali ka blerë veturë tip Mercedes Benz në vlerën 28 740 euro.

Ndër të tjera bashkëshortja deklaron llogari, depozita dhe bono thesari miliona lekë dhe mijëra euro. Edhe djali i tij Boiken Bendo deklaronte miliona lekë dhe sasi të konsiderueshme eurosh./CNA.al

?Sheiku? i Apelit/ Si u shpëtoi hetimeve gjyqtari Agim Bendo?