E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Nga dosja e Top Channel tek padia në SPAK/ Gjyqtarja e skandaleve sfidon drejtësinë

3 Dhjetor 2020, 13:17, Vetingu CNA

Gjyqtarja e Faktit në Tiranë, Teuta Hoxha, i është nënshtruar hetimeve-Vetting që nga Nëntori i vitit të kaluar.

Mbi gjyqtarn Hoxha rëndojnë një sërë akuzash publike, por pavarësisht kësaj Këshilli i Lartë i Prokurorisë së katapultoi në Shkollën e Magjistraturës si pedagoge e brendshme.

Pra, një gjyqtare që ka qenë nën hetim që në vitin 2013 nga Prokuroria dhe që sërish në vitin 2020 ka përfunduar në SPAK, do të mësoje gjyqtarët dhe prokurorët e ardhshëm. Ky është një skandal i firmosur nga KLP, gjatë këtij viti.

Akuzat për të cilat KLP ka mbyllur sytë dhe çon drejt degradimit Shkollën e Magjistraturës, do ti sjellim një nga një më poshtë, në mënyrë që komisionerët e Vettingut, të mos ndjekin e linjën e KLP-së.

Skandali me dosjen e Top Channel

Teuta Hoxha është gjyqtarja e famshme e gjyqit të aksioneve të Top Channel. Quhet e famshme, për arsyse se në pak sekonda, ka dhënë një vendim skandaloz, duke u shndërruar në avokate mbrojtëse të Vjollca Hoxhës, e cila ndryshe njihet si pronarja e Top Channel.

Vjollca Hoxha e cila bashkë me fëmijët e saj, ka 40 përqind të aksioneve, me 26 Janar 2016, kan paditur në Gjykatën e Tiranës, dy aksionerët e tjerë, A.S dhe A.B.
Në kërkesë-padi ajo kërkonte njohjen e pronësisë mbi 60 përqind të aksioneve që zotërohen nga A.S dhe A.B. Këta të fundit kanë reaguar, duke kërkuar duke kërkuar përjashtimin e gjyqtares Teuta Hoxha, e cila pezulloi gjykimin deri në një vendim për përjashtimin ose jo të saj.

Ndërsa pritej vendimi në fjalë, Gjykata e Tiranës zhvillon tre gjyqe për çështjen Top Channel, dhe pa praninë e palëve merren vendime kundër aksionerëve që zotëronin 60 përqind të aksioneve.

Skandali vijoi më tej, në 5 Shkurt 2016, kur u vendos për mospërjashtimin nga çështja të gjyqtares Teuta Hoxha, sërish pa paraninë e palëve.
Në këto rrethana gjyqtarja Teuta Hoxha, pa vënë në dijeni palën që ishte paditur nga Vjollca Hoxha merr vendimin për sigurimin e padisë duke caktuar si masë sigurimi bllokimin e çdo të drejte që rrjedh nga aksionet për dy aksionerët A.S. dhe A.B. Ndërkohë që vendimi i gjyqtares Hoxha u ankimua në Apel, në Prokurorinë e Tiranës, u kallëzua penalisht gjyqtarja.

Nuk dihet me çfarë kriteresh i vlerëson profesionalisht KLP, prokurorët, pasi po të kishte një vlerësim korrekt dhe ligjor, gjyqtarja sot duhej të jepte llogari para drejtësisë.

Teuta Hoxha denoncohet në SPAK
Në shtator të këtij viti, gjyqtarja Teuta Hoxha është kallëuar në SPAK.
Mediat kanë raportuar se shtetasi M.R. ka dorëzuar në SPAK, fakte që vërtetojnë veprimtarinë kriminale të kësaj gjyqtareje e cila favorizon palët në procese të ndryshme gjyqësore. E njëjta gjyqtare në vitin 2013 është paditur për shpërdorim detyre nga avokati Agron Bajri.
Task Forca në Prokurorinë e Tiranës i dorëzoi dosjen në ngarkim të gjyqtares në Prokurorinë e Përgjithshme, e cila në atë kohë udhëhiqej nga Adriatik Llalla.
Madje ky i fundit e referoi për shkarkim në Këshillin e Lartë të Drejtësisë, por në fakt asgjë nuk ndodhi.

Ndaj mbeten të errëta rrethanat se si gjyqtarja Teuta Hoxha u shpëtoi hetimeve dhe vijoi paligjshmëritë e saj në Gjykatën e Tiranës./CNA.al