web counter
LEXO PA REKLAMA!

SHKARKO APP

App Store
Google Play

Dha dorëheqjen për t’i shpëtuar vettingut/ Prokurori del para KPK në 2 dhjetor

27 Nëntor 2020, 16:12, Vetingu CNA

Në 25 shtator 2020, Këshilli i Lartë i Prokurorisë protokolloi një kërkesë të Bilbil Metes, prokuror në Prokurorinë e Përgjithshme, për t?u larguar nga drejtësia. Njëzetë ditë  më pas, në 15 tetor 2020, Këshilli i Lartë i Prokurorisë vendosi pranimin e dorëheqjes së prokurorit dhe deklarimin e statusit të magjistratit. Sipas këtij vendimi, dorëheqja do të hynte në fuqi në 31 tetor 2020. Për këtë vendim, Këshilli ka njoftuar dhe Komisionin e Pavarur të Kualifikimit, organi bazë i Vettingut, meqenëse Mete ishte në proces verifikimi që në muajin nëntor të vitit 2018, pra mbi dy vite.

Ka qenë ish kryetarja e KPK Genta Bungo ajo e cila ka shtyrë disa herë procesin e vetingut për Bilbil Meten.

Sipas shortit, prokurori Mete duhej të kishte kaluar në proces ?Veting?-u në muajin shtator 2018, por kryetarja Bungo, gjoja për ?arësye shëndetësore? ia shtyu për muajin janar 2019.

Prokurori Mete u ?sëmur? përsëri para Vitit të Ri; dhe përsëri kryetarja Bungo ia shtyu radhën e ?Veting?-ut për muajin prill 2019; ndërsa edhe 2 herë të tjera, ia shtyu për muajin qershor e shtator dhe, në fund të nëntorit 2019, me justifikimin se ?kishte humbur vlerësimi profesional?.

Por pavarësisht të gjitha këtyre zvarritjeve, duket se Mete nuk do i shpëtojë dot rivlerësimit në tre kritere: atë të pasurisë, pastërtisë së figurës dhe professionalizmit.

KPK në faqen e saj zyrtare ka bërë të ditur se ish anëtari i KLP do të përballet me trupën gjykuese të kryesuar nga Lulzim Hamitaj, me relatore  Pamela Qirko dhe anëtare Valbona Sanxhaktari në datën 2 dhjetor./CNA.al.





Lajmet e fundit nga