Revolucioni/ Grushti i Shtetit “kryesisht paqësor” i të majtës amerikane

10 Tetor 2020, 06:31, Blog CNA

Nga William L.Gensert ?American Thinker?

Që nga fillimi i presidencës Trump, të majtët angazhuan mendjet e tyre më të mëdha për të planifikuar ?grushtin rus të shtetit?, dhe më pas farsën për fajësimin dhe shkarkimin e presidentit. Duke dështuar keqazi me të dyja, tanimë ata po ndërmarrin një fushatë për ta cilësuar Xho Bajden si një zgjedhje të pashmangshme në nëntor.

Ata këmbëngulin se Bajden po udhëheq ndaj Trumpit në sondazhe, me një diference të pakapërcyeshme prej 16 për qind. Para fundit të tetorit, ?New York Times? dhe ?Washington Post?, do të botojnë artikuj duke përdorur burime anonime në administratën Trump, për të shpjeguar arsyen pse ata besojnë se Bajden do të fitojë thellë dhe me meritë.

Por nga tjetër ata kanë frikë se presidenti po planifikon t?i vjedhë zgjedhjet me ndihmën e Vladimir Putinit. CNN dhe MSNBC do të nxjerrin ish-gjeneralë dhe oficerë të tjerë ushtarakë në pension, që do të shprehim shqetësime të forta mbi të ardhmen e republikës. Ose diçka të përafërt.

Por Xho Bajden nuk do të fitojë. Nuk ka rëndësi se çfarë thonë sondazhet. Është e çuditshme të besosh se si njerëzit do të votonin për një kandidat që ka një degradim kaq të dukshëm mendor, duke i besuar tij punën më të rëndësishme (dhe më të rrezikshme) në planet.

Njeriu që nuk largohet thuajse asnjëherë nga bodrumi i tij edhe kur takohet me votuesit, mezi mund të mbushë një dhomë me mbështetës, ndërsa Trump mbush stadiumet me mijëra mbështetës të zhurmshëm dhe entuziastë.

Nuk mund të ketë entuziazëm për një Bajden të ringjallur, që mezi mund ta përfundojë një fjali pa bërë ndonjë ndalesë, apo pa bërë ndonjë fyerje racore ndaj grave afro-amerikane. Megjithatë, kur mediat tradicionale janë një degëzim i Partisë Demokratike, është e lehtë të përhapësh miliona gënjeshtra të vogla, të nevojshme për të shitur gënjeshtrën e madhe. Shembujt janë të shumtë:pretendimi i gazetarit Bob Uduord se Trump e fshehu rrezikun e Covid-19; apo që presidenti ?fyeu ushtarët amerikanë?; botimi nga ?New York Times? i daklaratave tatimore të Trump dhe informacioni gjoja tronditës që ato përmbanin, dhe së fundmi, akuzat e koordinuara, sipas të cilave Trump mbështet supremacistët e bardhë.

E majta beson se nëse ia del t?i bindë njerëzit, që Xho Bajden do të fitojë me siguri në nëntor, ajo do ta ketë më të lehtë t?i shesë publikut gënjeshtrën se fitorja e Trump, do të jetë rezultat i vjedhjes së zgjedhjeve prej tij.

Pastaj e majta do të mund të lëshojë në rrugë ANTIFA-n dhe segmentet e dhunshme të lëvizjes ?Black Lives Matters?, për të ndëshkuar amerikanët që guxuan të mbështesnin Trump. Google do të shtrembërojë rezultatet e kërkimit, për ta pikturuar gjithnjë presidentin Donald Trump si të paligjshëm në detyrë.

Dh sigurisht, Twitter do të pezullojë llogarinë e presidentit, pasi do të ishte jodemokratike ta lejosh Trump të flasë drejtpërdrejt me amerikanët. Facebook do të bëjë të njëjtën gjë. E gjithë kjo do të bëhet për të parandaluar që Trumpi ta gënjejë popullin, mbi atë që është padyshim një kryengritje popullore kombëtare, për t?i dhënë Zhozef Bajdenit presidencën, që ai e fitoi në mënyrë të rregullt, pavarësisht se zgjedhjet ?u vodhën?. Të paktën kështu do ta pikturojnë situatën mediat dhe kompanitë e mëdha të teknologjisë.

Pasi ta kenë arritur këtë gjë, udhëheqësit e revolucionit do t?u luten guvernatorëve demokratë që ta mbështesin rebelimin, duke kërcënuar me shkëputjen e mbështetjes ndaj tyre, ndërsa të tjerët në të majtën radikale dhe në media, do të nisin të punojnë për t?iu lutur ushtrisë që ta dëbojë presidentin Trump nga Shtëpia e Bardhë përmes një grushti shteti ?kryesisht demokratik?, në rast se një Trump i zellshëm do refuzojë të largohet vullnetarisht.

Ëndrra e tyre është që të ndërhyjnë ushtarakët, si një mjet për të ruajtur unionin. A nuk do të përbënte ky skenar një kapitull të bukur për librat e historisë? Pas kurorëzimit të tij më 20 Janar 2021, një Bajden i shkujdesur do të preket nga Covid-19, për shkak të menaxhimit kriminal të pandemisë nga Trump.

Ose ai do të vritet nga supremacistët e bardhë që e mbështesin Trump. Në fantazitë e shfrenuara të Shif, Nadler, Pelozit dhe Okasio-Kortez, Trump do të akuzohet për rebelim. Në vizionin e tyre mbi të ardhmen, ndërsa kombi do të vajtojë Bajdenin e ndjerë, presidentja e re Kamala Harris, e gatshme që nga dita e parë, do të fillojë punën për ?ndryshimin themelor? të premtuar që nga koha e Barak Obamës.

Por nuk ka pse të jetë kështu. Ajo çka është shkruar më sipër, është thjesht një skenar i mundshëm. Por ashtu si në të gjitha shfaqjet ?reality show?, amerikanët mund të votojnë për t?i larguar nga shtëpia ata që po shkatërrojnë ëndrrat e tyre.

Shumica e amerikanëve e duan Amerikën, dhe nuk duan shndërrimin e kombit në një ferr socialist të drejtuar nga tiranët e majtë. Ne duhet të dalim dhe të votojmë në një numër të tillë të madh, që skemat e tyre të mos kenë dot sukses. Ne amerikanët e kontrollojmë vetë fatin tonë. Ne mund ta shpëtojmë sërish vendin tonë dhe botën. Kjo gjë do të bënte një kapitull të shkëlqyer për librat e historisë./ Përshtatur nga CNA.al