A ka frikë Xho Bajden të debatojë sërish me Donald Trumpin?

9 Tetor 2020, 06:36, Blog CNA

Nga Rachel Bucchino ?National Interest?

Kandidati demokrat për president të SHBA, Xho Bajden, tha të martën në mbrëmje se nuk duhet të ketë një debat të dytë presidencial, në rast se presidenti Donald Trump ?është ende me Covid?.

Kjo deklaratë, mund t?i shkëpusë votuesit e lëkundur ose të pavendosur nga mbështetja e fushatës së Bajden në Ditën e Zgjedhjeve. Kur gazetarët e pyetën ish-zëvendëspresidentin nëse ai do të ndihej komod duke debatuar personalisht me Trumpin, që doli pozitiv me koronavirusin e ri javën e kaluar, Bajden tha se ai do të bazohej tek ?udhëzimet e Klinikës së Klivlendit, dhe ajo çfarë thonë doktorët?për të marrë vendimin e tij përfundimtar.

?Unë mendoj se nëse ai do të jetë ende me Covid, ne nuk duhet të kemi një debat mes nesh?- tha Bajden. Teksa shtoi:?Unë mendoj se do të duhej të ndiqnim udhëzime shumë të rrepta edhe nw debatin parw. Shumë njerëz janë infektuar. Pandemia është një problem shumë serioz, kështu që unë do të ndjek udhëzimet e Klinikës së Klivlendit, dhe ajo që thonë mjekët është gjëja e duhur që duhet bërë?.

Bajden rezultoi negativ ndaj koronavirusit të martën, pasi shtabi i tij elektoral vuri në dukje se rezultatet negative të testit, janë përsëritur gjatë ditëve të fundit. Por deklaratat e kandidatit demokrat mund të tregojnë një shenjë dobësie për fushatën e ish-zëvendëspresidentit, duke pasur parasysh që të dy kandidatët ka të ngjarë të jenë minimalisht 2 metra apo më shumë larg njëri-tjetrit në panel, dhe ndërsa mund të merren masa paraprake shtesë për presidentin që ka virusin.

Komentet e tij vijnë vetëm disa orë, pasi Trump njoftoi të martën në mëngjes se është gati për debatin e dytë, që është planifikuar të zhvillohet javën e ardhshme në Majemi. ?Unë po pres debatin e enjtes në mbrëmje, më 15 tetor në Majemi?- shkroi Trump në Twitter. ?Do të jetë diçka madhështore!?.

Presidenti njoftoi në Twitter planet e tij për të marrë pjesë në debatin e dytë, më pak se 24 orë pasi u largua nga Qendra Kombëtare Mjekësore Ushtarake ?Walter Reed?, ku ishte shtruar për t?u kuruar ndaj koronavirusit.

Deklaratat e të dy kandidatëve për zgjedhjet e vitit 2020, e shtuan konfuzionin mbi atë nëse do të ketë një debat tjetër, kur Trump rezultoi pozitiv me Covid-19. Sipas Qendrave për Kontrollin dhe Parandalimin e Sëmundjeve në SHBA, ?për shumicën e personave me sëmundjen e Covid-19, izolimi dhe masat paraprake, mund të ndërpriten zakonisht 10 ditë pas shfaqjes së simptomave të para?.

Por ekziston një ?numër i kufizuar? rastesh kur pacientët duhet të qëndrojnë të izoluar edhe pas 10 ditësh. Për debatin e dytë janë marrë masa shtesë për të zvogëluar rrezikun e përhapjes së sëmundjes. Kështu kandidatët, si dhe moderatori, do të ndahen me fletë pleksiglasi, diçka që nuk u zbatua në debatin e parë presidencial.

Zëvendëspresidenti Majk Pens dhe senatorja demokrate Kamala Harris, do të vendosen mbi 4 metra larg, ndërsa të gjithë të pranishmit e tjerë do të duhet të mbajnë maska në fytyrë ??gjatë gjithë debatit, udhëzim që nuk u zbatua në debatin e javës së kaluar, teksa disa anëtarë të familjeve nuk mbanin maska.

Këto masa shtesë, do të garantonin ndalimin e përhapjes së virusit. Pra a duhet të ndihet i frikësuar Bajden për debatin e dytë përballë Trumpit? Pas debatit të parë, ligjvënësit demokratë e nxitën Bajdenin të mos merrte pjesë në një tjetër, pasi ai u përball me fyeje dhe replika të forta nga ana e rivalit, dhe mezi ia doli të paraqesë pikat kryesore të platformës së tij elektorale.

Shtabi elektoral i Bajden, i hodhi poshtë këto insinuata, dhe theksoi se ai do të jetë me siguri në debatin e ardhshëm. Por ato deklarata u bënë para se presidenti Trump të dilte pozitiv me koronavirusin e ri. Edhe pse debatet presidenciale nuk kanë ndonjë ndikim thelbësor tek votuesit e lëkundur, amerikanët që janë ende të pavendosur, mund ta shohin negativisht ngurrimin e Bajdenit për të debatuar./Përshtatur nga CNA.al