Vjerri u vetëvra duke u hedhur nga Sanatoriumi/ Ish-deputeti tregon çfarë i thanë mjekët

21 Shtator 2020, 19:25, Aktualitet CNA

Vendi është tronditur herë pas here nga ngjarjet tragjike në spitalin ?Shefqet Ndroqi?, ku disa pacientë me Covid-19 kanë vrarë veten duke u hedhur nga spitali.

Mes këtyre pacientëve, viktimë ka mbetur edhe 65-vjeçari Hasan Mira, vjehrri i deputetit Gjetan Gjetani.

Për këtë ka folur sot edhe vetë ish-deputeti në emisionin “Rudina”, i cili ka rëfyer më shumë detaje për ngjarjen.

Gjetani tha se ditën që u vetëflijua, vjehrri i tij kishte shfaqur një gjendje shumë të rënduar nervore dhe është mbajtur me qetësues, por sapo i ka dalë efekti është hedhur nga spitali.

?Unë kam qenë prezent, dëshmitar sepse e kam ndjekur sëmundjen e Hasanit që kur u sëmur derisa vdiq, kam qenë brenda mureve të spitalit. Hasani u shtrua në spital në 1 shtator, një natë më para i ishtë rënduar frymëmarrja. Sëmundja i është agravuar gjithnjë e më tepër. Sipas mjekëve, ai kishte dy javë i infektuar më Covid-19, por për shkak të fizikut të tij të fortë ka qenë shumë mirë nga gjendja shëndetësore.

Simptomat e para i ka vënë re në 27 Gusht si një ftohje e thjeshtë. Është vizituar në ambjentet e spitalit të Burelit, aty nuk e kanë konstatuar se është me Covid-19, por është konstatuar vetëm me një ftohje të lehtë. Në 31 Gusht i është rënduar frymëmarrja, aty e kuptoi që ishte diçka shumë serioze. Shkoi tek spitali ?Shefqet Ndroqi? dhe është konstatuar që ka Covid-19. Është shtruar në spital të martë në orën 20:00. Komunikova me mjekët dhe ata më thanë që sëmundja kishte avancuar në fazën e mesme dhe lart.

U duhet 3-4 ditë mjekim që të shihej ecuria e shëndetit. Kur e takova Hasanin në ambjentet e spitalit mu duk në gjendje të mirë. Sipas shpjegimit të mjekëve, mungesa e oksigjenit në gjak, ka shkaktuar dëmtim në sistemin nervor, aty është bërë i papërgjegjshëm për veprimet. Këto simptoma i ka dhënë të mërkurën në mëngjes, është mjekuar dhe është qetësuar deri në orën 15:00.

Ka folur në telefon me djalin e tij. Pas orës 3 nuk ka pasur më komunikim, nuk hapte telefonin. Rreth orës 17:00 kam hyrë unë tek dhoma e Hasanit dhe e kam parë në një situatë shumë të rëndë nervore. Është dashur ndërhyrja ime, e mjekut dhe infermierit për t?i bërë gjilpërën. E vetmja nder që kam patur nga mandati i deputetit është që kam hyrë në spital dhe kam parë vjehrrin tim.

Medikamentet e kanë mbajtur në gjendje të mirë edhe një orë pastaj kur ka dalë efekti i qetësuesëve është hedhur nga kati i katërt. Mjekët më parë e kishin nxjerrë në një dhomë më vete sepse kishte nxjerrë porbleme me pacientët e tjerë. Sipas mjekëve kjo është një sëmundje e pabesë, ka persona që i godet në zemër, ka persona që i godet në mushkëri, ka persona që i godet e në sistemin nervor?, është shprehur ish-deputeti./ CNA.al