web counter
LEXO PA REKLAMA!

SHKARKO APP

App Store
Google Play

Krimi trondit vendin/ Veizi: Për këto çështje të shprehen ekspertët e policisë, jo politikan të rëndomtë

19 Shtator 2020, 11:03, Aktualitet CNA

Ditët e fundit vendi është tronditur nga shumë ngjarje kriminale dhe pamundësia e policisë për të kapur në kohë këto ngjarje ka hedhur shumë dyshime në lidhje me produktivitetin e policisë.

Ish-zv Drejtori i Policisë së Qarkut Vlorë, Helidon Veizi ka komentuar situatën me anë të një statusi në rrjetet sociale ku sipas tij zyrtarisht në Shqipëri pretendohet se Siguria e Rendi, ka kohë që është forcuar, konsoliduar e kriminaliteti është ulur.

?Ndërkohë po zyrtarisht publikohet se numri i punonjësve të Policisë është duke u rritur, 700 vetëm këtë vit ?, shkruan Veizi.

Sipas tij gjithçka është kontradiktore dhe se panorama e kriminalitetit shfaqet shumë ndryshe.

?Do të ishte korrekte e transparente që, për këto çështje të shpreheshin se pari, ekspertë policie , ekpertë të sigurisë e njerëz me njohuri të posaçme dhe jo vetëm si rëndom politikane ..!
I rëndësishëm është përceptimi i komunitetit lidhur me sigurinë ndaj jetës e pronës në jetesën e përditshme dhe nivelin e shërbimeve të Policisë ndaj tyre…!!
Personalisht mendoj se është e pamundur që të vetme , shërbimet e Policisë së Shtetit të arrijnë një nivel të kënaqshem e të qëndrueshëm sigurie , sado perfekte të jenë ato .!? përfundoi Veizi./CNA.al





Lajmet e fundit nga