E fundit!

11:01 Aktualitet

Klodjan Braho mesazh të qartë politikës: Për SPAK të gjithë janë të barabartë para ligjit

Kreu i SPAK Klodjan Braho i ka përcjellë mesazhin e qartë ...

Një përgjigje për avokatin e tij/ Pse i intereson opinionit publik e vërteta e Ben Blushit

18 Shtator 2020, 13:05, Aktualitet CNA

Avokati i Ben Blushit, Lulzim Alushaj, në një qëndrim të tij dhënë gazetares së BIRN, Aleksandra Bogdani ka thënë se pyetjet e shtruara prej saj nuk kanë interes për publikun dhe se flitet për një marrëdhënie juridiko-civile, të rënë dakort mes palëve.

Gjithashtu më tej avokati i tij theksonte se Zoti Blushi nuk ka firmosur asnjë kontratë koncesionare dhe apo marrëveshje shtetërore, asnjë document zyrtar dhe për pasojë përfshirja e tij në këtë histori është tendencioz për të spostuar vëmendjen e publikut ndaj së vërtetës.

Ky është avokati i Zotit Ben Blushi, pra Lulzim Alushaj, i cili me qëndrimin e tij dhënë për BIRN thotë se për publikun nuk ka asnjë interes në lidhje me çfarë bën Ben Blushi.

Së pari, po i përgjigjemi publikisht Zotit Alushaj, duke i thënë se:

Ben Blushi është një zyrtar publik, i paguar për më shumë se 20 vite nga taksat e shqiptarëve. Ka qënë deputet, ka qënë prefekt, ka qënë ministër. Ka qënë kryetar i grupit parlamentar të Partisë Socialiste. Ka marrë nga taksat e shqiptarëve qindra milionë lekë, për më shumë se dy dekada.

Prandaj, pikë së pari ka interes për publikun.

Së dyti, që ta mësojë zoti Lulzim Alushaj, interes për publikun ka edhe sepse ai është drejtor i Top Channel, një nga televizionet më të mëdha kombëtare në vend. Është një ish-politikan që është kthyer në një menaxher mediatik, ndaj të cilit janë çuar disa letra me akuza të forta për korrupsion e deri te gjobëvënie, në ambasadën e SHBA-ve.

Dhe këtë nuk e themi ne, por e thonë letrat e dërguara nga biznesmenët, Nadir Çausholli i CFO Pharma, i cili rrugës u tërhoq nga akuzat ndaj Ben Blushit, por është edhe letra e biznesmenit Andon Dhima, për intimidimet dhe presionet e Ben Blushit. Apo edhe letra e çuar së fundmi nga një tjetër biznesmen në ambasadën amerikane.

Së treti, zoti Alushaj duhet ta dijë se ka interes për publikun gjithçka, sepse bashkëshortja e Ben Blushit, Eva Blushi ka qënë mbajtëse e një license noteriale.

Pra, noteri publik është një person i besuar i shtetit dhe ndërmjetës i akteve të qytetarëve.

Së katërti, që ta mësojë avokati dhe ta vërë ?vëth në vesh? së bashku me Ben Blushin dhe argumentat që ata përdorin se ?publiku nuk ka interes se çfarë bën Ben Blushi?, zonja Eva Blushi, është bashkëshortja e Ben Blushit dhe është ajo që ka firmosur një kontratë juridiko-civile, siç e thotë ai, me ortakët e koncesioneve në Shqipëri.

Mirel Mërtiri dhe Klodian Zoto janë dy ortakët e inceneratorëve, në Elbasan, në Fier dhe në Tiranë. Të cilët kanë krijuar një kompani në Bullgari, ku aksionere me 33% të kuotave është edhe Eva Blushi, bashkëshortja e Ben Blushit.

Njeriun e paguar nga taksat e shqiptarëve për 20 vite dhe bashkëshorten që ka qënë notere publike.

Prandaj qytetarët kanë të drejtë të dinë gjithçka për ta. Edhe për Ben Blushin, që sot është drejtor i Top Channel.

Nuk mund të ndodhë që një zyrtar publik, bashkëshortja e tij të mbajë licensë noteri, dhe pastaj ikën nga politika dhe mund të bësh çfarë të duash. Ku është parë dhe dëgjuar kjo?

Cili ligj i jep këtë të drejtë dikujt që të rrijë 20 vite në politikë, e pastaj të mos flasë dhe të mos shkruajë askush për të?

Mos flitet për 6 mijë metër katëror truall në Dhërmi, në një zonë turistike e cila u ç?regjistrua në Hipotekë?

Pra, është kryer një akt kriminal, një falsifikim, për të cilin Ben Blushi nuk mund të thotë asgjë tjetër, sepse kjo pronësi i ngeli rrugëve.

Si nuk mund të flasin mediat për një akt noterial të falsifikuar, për një pasuri 500 milionëshe të Ben Blushit, blerë në emër të vajzës së tij dhe deklaruar për vetëm 30 mijë euro, në vitin 2015. Kur Ben Blushi ka qënë deputet, Zoti avokat.

A nuk mund të flasin mediat për sherret dhe konfliktet e Ben Blushit për gati dy mijë metër katëror truall në Dardhë të Korçës, një nga perlat turistike. Në konflikte me banorët. Me troje që gjoja janë të shtetit, por në Dardhë nuk ka pasur asnjë metër tokë pa pronar.

E pra, këto janë të vërtetat që i interesojnë publikut Zoti avokat. Ty, Ben Blushit dhe çdo njeriu tjetër i përgjigjemi publikisht duke i sfiduar me të vërtetën dhe duke iu thënë se po përpiqen që të fshehin të gjitha pasuritë apo aktet e mëtejshme dhe përfitimet që Ben Blushi ka bërë edhe si drejtor i Top Channel, një nga televizionet kombëtare. Por edhe si ish-deputet dhe si ish-politikan, i cili sot gëzon një pasuri të frikshme. Dhe me gjithë dyshimet se shumë të tjera janë vënë në emër të familjarëve të tij, siç është dyqani i vajzës së tij me vlerë tregu 500 milionë në Korçë, apo dhe pallati i vjehrrit të tij në Tiranë, për të cilin dyshohet se është Ben Blushi pas ndërtimit tij dhe vlerës disa milionë dollarëshe.

Zoti avokat, mos i gënjeni gazetarët. E vërteta e Ben Blushit i duhet më shumë se kurrë qytetarëve, për t?i thënë politikës se askund nuk mund të ndodhë dhe nuk mund të ndodhë në Shqipëri, që dikush të paguhet 20 vite nga taksat e shiptarëve, e pastaj të ikë e të bëjë çfarë të dojë.

Jo kjo nuk ka për të ndodhur. Mësojeni publikish, o të jemi ne që nuk do t?i ndahemi asnjë ditë dhe asnjë natë, asnjë sekondë Ben Blushit, çdo përfaqësuesi publik si ai./ CNA.al

Politika pas plehrave/ Kush është biznesmeni në hije i monopolit të inceneratorëve

Kush kërkon të shpëtojë noteren e skandalit të Ben Blushit?!

Ekskluzive-Skandali me falsifikimin/ Zbulohet kallëzimi i plotë për noteren Violeta Sulkaj dhe vajzën e Ben Blushit

Ekskluzive-Skandali me falsifikimin/ Kallëzohet penalisht vajza e Ben Blushit dhe noterja Violeta Sulkaj

Skandali-/ Ben Blushi bëri vajzën pronare duke i falsifikuar firmën (fakte dhe dokumente)

Ekskluzive-Zbulohen të tjera dokumente/ Si gënjeu Ben Blushi për pronën 500 milionëshe, vjehrri e nxjerr ?zbuluar?

Ekskluzive-Zbulohen dokumentet/ Si Ben Blushi bleu për 30 mijë euro, pronën 500 milionëshe

Faktet që “kryqëzojnë” Ben Blushin/ Letra akuzë e biznesmenit drejtuar ambasadës të SHBA

Letra e biznesmenit në ambasadën e SHBA-ve/ Ben Blushi kërkoi 2 apartamente për deklaratën e pasurisë, tani po më grabit me gjykatë pronat

Përplasja Top Channel-Nadir Çausholli/ Nga akuzat, kallëzimet penale tek “dashuria në kohën e kolerës”

Top Channel dhjetëra shkrime e kronika kundër Nadir Çaushollit/ Sot transmeton reklamat e tij