E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Kërkesa e Opozitës jashtëparlamentare: OSBE/ODIHR të japë asistencë për gjetjen e një zgjidhjeje

18 Shtator 2020, 10:44, Aktualitet CNA

Opozita jashtëparlamentare në Këshillin Politik ka dorëzuar ditën e sotme kërkesën për të marrë ekspertizën e OSBE-ODIHR, për dy çështje të cilat ka perplasje me mazhorancën. Pasi ata kërkojnë hapjen 100% të listave dhe lejimin e koalicioneve parazgjedhore.

?Marrëveshja e 14 Janarit 2020 përmban një klauzolë themelore për zgjidhjen e mosmarrëveshjeve mes palëve. Sipas kësaj klauzole, në rast mosdakordësie për çështje të caktuara, do të kërkohet opinioni dhe asistenca nga ekspertiza ndërkombëtare e OSBE/ODIHR, me qëllim gjetjen e një zgjidhjeje të pranueshme. Kjo pikë përcakton qartë që në Këshill kriteri themelor është konsensusi dhe se çdo zgjidhje duhet te jetë e pranueshme nga palët. Kjo klauzolë mundëson marrjen e opinionit dhe ndihmës së specializuar mbi çështjet e debatuara përpara se ato të draftohen bashkërisht me consensus?, shkruajnë përfaqësuesit e opozitës jashtëparlamentare.

Sipas tyre propozimi i Partisë Socialiste për ndryshimin e mekanizmit të garimit zgjedhor është I njëanshëm dhe i papranueshëm për Opozitën, sepse ai ndryshon rregullat bazë të garimit dhe shpërndarjes së mandateve të mbledhura në garën zgjedhore, pa shkak të ligjshëm dhe vetëm 4 muaj para fillimit të regjistrimit të subjekteve zgjedhore.

?Argumenti i Partisë Socialiste se ndryshimet e njëanshme kushtetuese të 30 Korrikut, diktojnë ndërhyrjen në Kodin Zgjedhor në lidhje me formulën e koalicioneve dhe atë të shpërndarjes së mandateve, është tërësisht i pabazë. Këto ndryshime nuk kanë hequr nga Kushtetuta koalicionin si formë organizimi politik në garën zgjedhore. Kjo formë vazhdon të mbetet në fuqi në Kushtetutë. Formulimet e Kodit Zgjedhor në fuqi, përfshirë ato të dakordësuara mbi bazën e marrëveshjes së 5 qershorit 2020 dhe të miratuara më 23 Korrik, janë plotësisht në përputhje me Kushtetutën dhe standartet e OSBE-së dhe Këshillit të Europës? shkuhet më tej nga përfaqësuesit e opozitës.

Përfaqësuesit e opozitës jashtëparlamentare, Oerd Bylykbashi dhe Petrit Vasili, shkruajnë se ?në emër të Opozitës kërkojmë që Këshilli Politik t?i kërkojë zyrtarisht OSBE/ODIHR-it asistencë për gjetjen e një zgjidhje të pranueshme për palët, në përputhje me standartet e OSBE-ODIHR dhe Këshillit të Europës për zgjedhje të lira dhe demokratike?./CNA.al