web counter
LEXO PA REKLAMA!

SHKARKO APP

App Store
Google Play

E fundit!

x

Nuk mund të jemi edhe me Zotin edhe me djallin!

19 Shtator 2020, 09:26, Aktualitet CNA

Nga Miron Çako

Ka disa të krishterë që jetojnë me dy standarte edhe me Zotin por edhe me djallin, dmth ata nuk i hapin luftë djallit, kanë frikë ta përmendin emrin e tij, madje akuzojnë edhe të tjerët sikur e teprojnë kur ata flasin për atë dhe tregojnë për punët e tij të liga.

Por Shkrimi i Shejntë thotë : “Prandaj u dukë Biri i Perëndisë që të shkatërojë punët e djallit”
Në lutjen Zotërore “Ati ynë” lutemi : “Mos na shtjerë në ngasje por shpëtona nga i ligu”
Sa qesharak dhe në pozicion të keq janë të tillët të krishterë që edhe me Zotin duan ta kenë mirë por edhe djallin ta marin me të mirë, ashtu siç na thuhet në këtë histori të pazakont.
“Një ditë, një plak hyri në kishë dhe mori dy qirinj.

Njërin e ndezi përpara ikonës së Krishtit, ndërsa tjetrin e mori me vete .
Neokori, ai që kujdeset pë qirijntë i tha me kureshtje :-Përse e more me vete qiriun edhe nuk e ndeze si tjetrin?

-Këto do ta ndez në shtëpi për djallin.
Po përse e bën këtë? -Pyeti i çuditur neokori.
-E ndez , sepse nuk jam edhe aq i sigurtë, nëse do të shkoj në parajsë apo jo ?
Nqs shkoj në ferrë, do të jetë mirë ta mar me të mirë të ligun”.

Ky veprim i këtij plaku duket sa qesharak edhe foshnjarak, sepse djalli kurrë nuk bëhet mik as me ata që e adhurojnë, i shërbejnë, i bëjnë flijime, i ndezin edhe qiri edhe marin me të mira, por duhet t? dinë ata që mendojnë si ky plak mendjelehtë se në ferr nuk ka vende pushimi për disa admirues të djallit, aty të gjithë vuajnë shumë edhe pa ngushëllim, madje do të vijë dita që do të vuaj edhe vetë djalli me demonët përjetësisht, ashtu si na thuhet te Zbulesa:Dhe djalli që i mashtronte , u hodh në liqenin e zjartë…dhe do të mundohet ditë e natë në jetë jetëve” (Zbulesa 20-10)

Ky pozicion në mes Zotit dhe djallit është pozicioni më i keq i një njeriu që thotë se beson. Ai as me Zotin nuk është sepse është frikacak edhe nuk i hap luftë të keqes, as me djallin nuk bëhet mik, sepse djalli është i ligë edhe e uren njeriun që është krijuar sipas ikonës të Perëndisë( Zanafilla 2 -26).

I krishteri i vërtet duhet të jetë i ndëgjegjësuar dhe i ekujlibruar.
I ndërgjegjësuar se ne kemi dhe jemi në një luftë shpirtërore për jetë a vdekje me :”frymat e mbrashta në vendet qiellore ” (Efesianëve 6-12)
Të ekilibruar dmth as ta mbivlerësojmë të keqen duke u marë vetëm me atë nga kureshtja dhe nga krenaria dhe as ta nëvletësojë atë nga pabesia dhe frika.
Apostull Jakovi na thotë: Nështrohuni Perëndisë , kundërshtoheni djallin edhe ai do të arratiset prej jush!(Jakovi 4- 7).





Lajmet e fundit nga