E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Rihapja e shkollave/ Ekspertët: Ja cilat janë rreziqet që na presin

9 Shtator 2020, 06:24, Blog CNA

Në mbarë botën, mbi 1.5 miliardë fëmijë dhe të rinj u privuan nga shkolla gjatë fazës së parë të pandemisë. Dhe ne e dimë që kjo ka pasur një efekt negativ tek të mësuarit. Studimet e kryera në Angli, kanë treguar se fëmijët në zonat e privuara, kanë mbetur shumë prapa me mësime.

Gjithashtu e dimë që frekuentimi fizik i shkollës ka shumë përfitime shëndetësore. Koha e kaluar me miqtë dhe bashkëmoshatarët gjatë adoleshencës, ndihmon në zhvillimin e trurit. Për me tepër, aktiviteti i detyrueshëm fizik mund të mbrojë të rinjtë nga sëmundjet e ardhshme kronike.

Dhe shumë të rinj përfitojnë nga shërbimet që ofrojnë shkollat, si dreka falas dhe produktet sanitare. Pra ata përfitojnë qartazi nga të qenit në shkollë. Por ndërsa shumë vende po rihapen, a po sjell rikthimi i fëmijëve më shkollë më shumë sesa thjesht disa rreziqe, dhe nëse po, cilat janë kushtet e një rikthimi të sigurt në klasa?

Edhe pse të paplota, njohuritë tona në lidhje me transmetimin e virusit në shkolla po përparojnë me shpejtësi. Ju duhet të mbani mend 3 momente kryesore. Së pari, në shkolla janë vërejtur shumë pak raste të transmetimit të Covid-19. Instituti i Shëndetit Publik në Angli, ka analizuar të dhëna për rreth 1 milion fëmijë, që ndoqën sistemin parashkollor dhe fillor në Angli në muajin qershor.

Ai zbuloi 30 shpërthime epidemike, në të cilat 70 fëmijë dhe 128 punonjës u prekën nga virusi, teksa vuri në dukje se mbi dy të tretat e rasteve e kishin origjinën nga stafi mësimor. Transmetimi nga fëmija tek fëmija përbënte vetëm 2 raste.

Studime të ngjashme në Irlandë, Francë, Finlandë, Australi dhe Singapor, tregojnë se transmetimi nga fëmija në fëmijë është i rrallë. Ndërkohë, një sondazh evropian, nuk ka treguar prova të forta të transmetimit të mëtejshëm të koronavirusit tek familjet e nxënësve. Vetëm 1 vend (nga 10) raportoi rastin kur një fëmijë ka infektuar të dy prindërit.

Anasjelltas, ka prova të shumta se një fëmijë ka shumë të ngjarë të infektohet nga një i rritur në familjen e tij. Elementi i dytë kryesor që duhet mbajtur në mend, është se më pak se 5 për qind e rasteve evropiane me Covid-19 janë nën moshën 18-vjeç. Ndërkohë, fëmijët kanë shumë më pak të ngjarë të shtrohen në spital, dhe pasojat e sëmurjes së tyre janë përgjithësisht më pak të rënda.

Nga ana tjetër, ne nuk duhet të anashkalojmë apo të banalizojmë rastet serioze tek të rinjtë, por në kushtet kur ato janë të pazakonta, ne duhet ta shmangim dramatizimin e çështjes.

Një element i tretë thelbësor, është që shkollat ??nuk janë të ndara nga konteksti ku ndodhen. Njohja e numrit të rasteve pozitive në zonën përreth, na jep një tregues të mirë të rrezikut të transmetimit që ndodh në një shkollë. Nëse distancat fizike dhe masat e higjienës zbatohen në mënyrë rigoroze dhe të ndjeshme, shkollat ??nuk ka gjasa të jenë më të rrezikshme se çdo ambient tjetër i punës apo i kalimi të kohës së lirë me një numër të ngjashëm të popullsisë.

Kahja e transmetimit e virusit ka më shumë të ngjarë të jetë nga personeli i mësuesve tek fëmijët sesa e kundërta, dhe në kushtet kur shumica e atyre fëmijëve do të mbeten asimptomatike, ekziston rreziku i infektimit pa dashje të të tjerëve.

Një artikull i fundit i shkruar nga ekspertë të arsimit dhe shëndetësisë, në bashkëpunim me zyrtarë të Organizatës Botërore të Shëndetësisë, ka propozuar elementë kryesorë për balancimin e rihapjes me sigurinë. Në këtë fazë të pandemisë, veprimi kolektiv në nivelin lokal është ai që nevojitet më shumë për të kufizuar transmetimin e virusit.

Udhëzuesi kombëtar ka nevojë për interpretim lokal, pasi ekipet shkollore organizojnë praktikat e tyre në përputhje me kontekstin lokal shoqëror, kulturor dhe arsimor. Ka shumë dallime midis një shkolle fillore rurale, një shkolle në periferi të qytetit, apo një shkolle të mesme në qendër të tij.

Masat për të cilat është rënë gjerësisht dakord përfshijnë:ventilimin e mirë të dhomës, dezinfektimin e rregullt të ambientit, larjen e shtuar të duarve, kufizimin e kontakteve midis nxënësve në klasë, në mensë dhe gjatë transportit shkollor, mbajtja e maskës aty ku distancimi social është i pamundur (për fëmijët më të rritur dhe të rriturit),mbrojtja e mësuesve dhe nxënësve të pambrojtur.

Sigurisht, njohuritë tona mbi virusin dhe efektivitetin e metodave të parandalimit, janë ende të kufizuara. Çdo veprim do të merret në mënyrë të pashmangshme në kontekstin e pasigurisë. Gjithsesi kjo pandemi mund të zgjasë për shumë muaj të tjerë, ndaj duhet marrë parasysh ndikimi tek të mësuarit, socializmi dhe shëndeti mendor i nxënësve./ medicalxpress.com–Përshtatur nga CNA.al