E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

Qarqet që pritet të bëjnë diferencën në zgjedhjet e ardhshme parlamentare

2 Shtator 2020, 10:27, Politikë CNA

Në pranverën e vitit 2021 pritet të zhvillohen zgjedhjet e ardhshme parlamentare, ku risia është hapja e listave të kandidatëve.

Pra, nga një sistem proporcional rajonal me lista të mbyllura, është kaluar në një sistem proporcional rajonal me lista të hapura. Jo 100%, pasi 30% e tyre do të jenë të mbyllura. Por, kjo do të vazhdojë t?i përkasë diskutimeve në Këshillin Politik.

CNA.al ka analizuar të dhënat në lidhje me qarqet të cilat pritet të bëjnë diferencën e rezultatit në zgjedhjet e ardhshme.

PD-ja duket se ka një autoritet më të madh dhe një diferencë më të madhe votash, apo fluks më të madh në veri.

Shqipëria e mesme duket se është nën kontroll nga të majtët dhe Jugu gjithashtu.

Por, po ta shikojmë me qetësi rezulton se bashkitë e Veriut, ku ka influencë PD-ja. Pra, Dibra, Kukësi, apo Lezha apo edhe Shkodrën, diferencat e mandateve i kanë të vogla, pasi kanë një numër të vogël mandatesh, përjashto Shkodrën.

Ndërkohë që pjesa tjetër ku bastionet e së majtës janë më të forta, si Fieri, Vlora apo Elbasani, ka një numër më të madh mandatesh, duke filluar nga 16 në Fier, 14 në Elbasan, apo 11 në Vlorë.

Nga ana tjetër edhe Korça gjithmonë është një qark që ka anuar majtas, dhe aty 11 mandate.

Pra, diferencat që mund të krijohen nga mandatet teke apo çifte duket se favorizojnë të majtët.

Por, ekspertë të opozitës e hedhin poshtë këtë favorizim duke theksuar se fryma anti-Rama do t?i shembë shumë bastione të së majtës dhe shumë të pakënaqur do të shkojnë të votojnë për alternativën e vetme të ngelur si shpresë, që sipas tyre është Lulzim Basha.

Nga ana tjetër, disfavori që vjen në këto qarqe është se opozita nuk drejton asnjë nga bashkitë e Shqipërisë, përjashto atë të Shkodrës, ku vazhdon të ushtrojë presion Voltana Ademi.

Të gjitha bashkitë e tjera menaxhohen nga drejtues socialistë.

Pra, një disavantazh tjetër elektoral ky, pas katastrofës që ndërtoi Lulzim Basha me duart e tij me bojkotin e zgjedhjeve lokale të vitit 2019.

Por, një analizë thelbësore e votave në këto zona, apo flukset që kanë palët, është e vështirë të bëhet pasi Lulzim Basha asnjëherë nuk ka hyrë në zgjedhje, që kur ka marrë drejtimin e PD-së. Futja në to ka qënë formale dhe votat janë thuajse të palexueshme.

Kështu pra në 2015, në zgjedhjet lokale deri në momentin e fundit deklaronte se nuk do të hynte. Në fund hyri, por mori një numër të vogël bashkish me emra jo shumë të lidhur politikisht dhe nga ana tjetër në këshillat bashkiakë përfaqësimi i opozitës në disa zona ishte thuajse i papërfillshëm.

Por, më pas në 2017 u fut në çadër dhe mori 450 mijë vota, ku ka edhe aleatët brenda. Pra, sërish rezultati është i palexueshëm dhe nuk kuptohet përfaqësimi i dhënë realisht nga elektorati. Edhe këtu duke shtuar pretendimin për ndërhyrje në qarkun e Durrësit.

Më tej, duke lexuar rezultatin e 2019-ës, ku sërish opozita nuk hyri, 20 apo 23% pjesëmarrje, 700 e 80 mijë, apo 700 mijë vota, janë sërish një diskutim tjetër.

Pra, me një disavantazh në qarqe dhe faktit që nuk do ketë bashkitë, por edhe mos leximin e plotë të realitetit dhe trendin e tyre gjatë kohës që është drejtuar opozita nga Lulzim Basha, duket se do të ketë mjaft problem. Kjo duke I shtuar edhe faktin se si opozitë do të kandidojë edhe LSI, apo PDIU dhe PBDNJ, të cilat kanë qënë parti aleate e Edi Ramës, gjatë mandatit të tij të parë./ CNA.al