LEXO PA REKLAMA!

SHKARKO APP

E fundit!

x

Rihapja e shkollave/ PAA ultimatum Ramës: Shtoni numrin e mësuesve dhe të klasave

2 Shtator 2020, 08:50, Politikë CNA

Partia Agrare Ambientaliste ka dhënë një deklaratë për mediat lidhur me hapjen e shkollave në Shqipëri dhe ka bërë disa kërkesa për kryeministrin Edi Rama.

PAA e Agron Dukës, i thotë Ramës të shtojë numrin e mësuesve dhe të hapësirave të reja për klasa si strategjia më e mirë për çeljen e përhershme të shkollave edhe në kohë pandemie.

Gjithashtu PAA kërkon të dijë se sa mësues do të shtohen sipas shkollave aktuale dhe sa sipërfaqe të re ka identifikuar qeveria për të rritur numrin e klasave.

Ndërkohë, për mësimin me turne, partia e Dukës thekson se kjo strategji mund të jetë funksionale për nxënësit e shkollave të mesme, studentët e kolegjeve dhe universiteteve, por jo për fëmijët e arsimit parashkollor dhe 9 vjeçar.

?Z. Rama shtoni numrin e mësuesve dhe të hapësirave të reja për klasa si strategjia më e mirë për çeljen e përhershme të shkollave edhe në kohë pandemie. Z. Rama deklaroni sipas shkollave aktuale sa mësues do të shtoni dhe sa sipërfaqe të re keni identifikuar për të rritur numrin e klasave? Në rast të kundërt çdo gjë që thoni është demagogji elektorale dhe pa përgjegjshmëri qeverisëse.

Mësoni nga qeveritë e përgjegjshme që po komunikojnë në publik se kanë rritur me disa mijëra mësues “armatën pedagogjike” në shërbim të hapjes dhe funksionimit të shkollave edhe gjatë pandemive. Hapja sa më parë e shkollave argumentohet shkencërisht si domosdoshmëri për tëshkurtuar kohën e fëmijëve nën streset psikologjike që krijon mbyllja e tyre si edhe për të reduktuar në maksimum sëmundjet mendore që krijon stresi aktual, sëmundje që dëmtojnë rëndë të ardhmen e fëmijëve dhe rrisin kostot për familjet e tyre dhe buxhetin e shtetit.

PAA qartëson se opsioni i vetëm që jep aktualisht Rama është shtimi i turneve të mësimit. Ky opsion është jo efikas dhe dëmton cilësinë e të mësuarit të nxënësve dhe vështirëson mbështetjen e prindërve për fëmijët e tyre.

Mësimet me turne mund të jenë një mundësi funksionale për nxënësit e shkollave të mesme, studentët e kolegjeve dhe universiteteve, por jo për fëmijët e arsimit parashkollor dhe 9 vjeçar. Në kushtet kur prindërit po i kthehen punës me kohë të plotë, funksionimi i arsimit parashkollor dhe atij 9 vjeçar është jetik. Shumë vende europiane kanë deklaruar saktësisht se sa është numri i mësuesve që do të shtohen për të ulur numrin e nxënësve nëpër klasa si parakusht për të respektuar protokollet shëndetësore që garantojnë mirë funksionimin e përhershëm të shkollave nëçdo rast pandemie./ CNA.al

Lajmet e fundit nga