E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Opozita në zgjedhje me dy koalicione

1 Shtator 2020, 15:33, Politikë CNA

Opozita po kërkon që në zgjedhje të shtojë sa më shumë vota dhe për këtë po diskuton disa mënyra të cilat mund të jenë më efikase ndër qeveritë, duke përdorur taktika elektorale.

Burime zyrtare brenda opozitës i thanë CNA.al se palët kanë filluar të diskutojnë daljen me dy ose më shumë koalicione për maksimalizmin e votës, pra në një koalicion të jetë PD-ja me PDIU-në dhe aleatët e parë historikë si Partia Republikane, LZHK-ja, etj, dhe nga ana tjetër LSI-ja me PBDNJ-në dhe aleatët të tjerë të saj të jenë në një koalicion tjetër.

Kjo formulë duket si një zgjidhje me shpresën se në koalicionin e majtë, LSI-ja duke dalë kundër Ramës, do të thithë votat e socialistëve të pakënaqur me qeverinë që vijnë nga flukset e së majtës, ndërsa koalicioni tjetër i PD-së do të thithë votat e të djathtës.

Kështu të dyja palët, duke masimalizuar votat në koalicion, do të mundin që socialistët përballë tyre të mos kenë mundësinë që të fitojnë zgjedhjet dhe opozita të ketë maksimalizimin e votës për të dy koalicionet e saj.

Ky është nga opsionet që po diskutohet por gjithçka pritet të marrë një zgjidhje menjëherë pasi të përfundohet diskutimi i Këshillit Politik dhe të votohet çdo detaj. Në lidhje me formulën zgjedhore që do të kenë në prill të 2021-shit, e cila filloi me ndryshimin e sistemit, pra aktualizmin e një sistemi proporcional me lista të mbyllura është kaluar në një sistem proporcional me lista pjesërisht të hapura, pasi ligji do të lejojë që deri në 30% të kësaj liste të jetë një listë e mbyllur.

Prandaj, ende pritet të ketë negociata, pasi mund të sigurohet përfundimisht forma se si do të jetë lista e zgjedhjeve apo modeli që do përdoret në zgjedhje, do t?i japë opozitës më tej mundësinë për të vendosur në tryezën e saj nëse do të dalë e bashkuar, pra me një koalicion apo të krijojë dy palë, pra dy koalicione, një që është e udhëhequr nga PD-ja dhe një të udhëhequr nga LSI-ja./ CNA.al