E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Listat e kandidatëve/ Manjani nuk kursehet ndaj Yuri Kim: Ç'punë i prishet ambasadës, dëmi i bëhet shqiptarëve

1 Shtator 2020, 14:17, Politikë CNA

Ish-ministri i Drejtësisë Ylli Manjani, ka reaguar për letrën e ambasadores amerikane drejtuar kryetarëve të partive politike për listat e kandidatëve.

Manjani deklaron se Ambasadës nuk i prishet asnjë punë edhe nëse kandidatët janë të pazotë e të papërshtatshëm.

Ai thotë se ambasadadat nuk i kanë fare në dorë këto çështjet e të zgjedhurve dhe e vetmja gjë që mund të bëjë është t?u refuzojë vizat këtyre kandidatëve.

Ish-ministri thekson se dëmi i përzgjedhjes së derdimenëve, të fortëve e bisnesmenëve në Parlament i bëhet drejtpërdrejt popullit shqiptar dhe jo ambasadave.

?Nëse Partitë Shqiptare nuk mendojnë se populli shqiptar meriton kandidatë seriozë; që dinë të bëjnë ligje, të kontrollojnë qeverinë e të mbrojnë interesin publik, është e kotë të mendojmë që këtë standart do na e garantoka Ambasada Amerikane! Se ja u futën në lista kandidatë të pazotë e të papërshtatshëm, e ça pastaj?! Ç’punë i prishet Ambasadës?! Sa të tillë ka ende në vendimmarrjen e shtetit, të dalë nga zgjedhje të bekuara nga Ambasada Amerikane madje?!

Ja ua refuzoi dhe vizat në Amerikë atyre që zgjidhen e ça pastaj?! Ata mbeten përfaqësues të zgjedhur të popullit pas propozimit të partive. Megjithë respektin e madh që kam për ambasadadat, këto çështjet e të zgjedhurve nuk i kanë fare në dorë. Po fare fare. Koha e ka provuar qartë këtë gjë. Përveçse janë totalisht janë mandatit diplomatik për të cilin janë dakortësuar me shtetin tonë. Dakort… me palo shtetin tonë… Me atë që na ndodhet.

E përsëris dëmi i përzgjedhjes së derdimenëve, të fortëve e bisnesmenëve në parlament i bëhet drejtpërdrejt popullit shqiptar. Asnjë populli, qeverie apo ambasade të një vendi tjetër. Pavarësisht ndihmës që këto të fundit përpiqen të na japin, ka disa gjëra nuk nuk importohen dot. Ashtu siç zbatimi i ligjit nuk është detyrë e asnjë ambasade të huaj në asnjë vend të rruzullit. Nuk jam sovranist, por realist. Ne do jemi pjesë e perëndimit vetëm nëse dimë të ndërtojmë shtet, demokraci dhe shoqëri të lirë. Po këtë detyrë nuk na e bëjnë dot ambasadat, megjithë respektin. Kur përpiqen të na i bëjnë këto detyra veç na ngatërrojnë më shumë se ç’jemi të nakatosur me veten…?, shkruan Manjani./ CNA.al