web counter
LEXO PA REKLAMA!

SHKARKO APP

App Store
Google Play

E fundit!

x

Shkolla do funksionojë  me tre turne/ Rama jep lajmin: Orët do jenë 30 minutëshe

1 Shtator 2020, 10:53, Politikë CNA

Kryeministri Edi Rama ka lajmëruar pak minuta më parë se rregullat për procesin mësimor do të ndryshojnë.

Në një mbledhje me drejtuesit e arsimit, Rama tregoi se shkollat me një numër të madh nxënësish do të zhvillojnë mësim deri në tre turne.

Kreu i qeverisë tha se orët e mësimit në shkollat me tre turne do të jenë 30 minutëshe dhe klasat nuk duhet të kenë më shumë se 20 nxënës.

?Udhëzuesin duhet ta mishëroni ju të parët. E dini shumë mirë që funksionimi do jetë ndryshe nga herët e tjera dhe shkolla do funksionojë me një, dy dhe deri në tre turne. 1997 shkolla kanë 1 turn, 472 me 2 turne, 183 shkolla kanë tre nënturne. Për shkollat me numër të madh nxënësish shkolla do zhvillohet me turne dhe orë 30 minutëshe mësimi. Në klasa nuk duhet të ketë në asnjë rast më shumë se 20 nxënës.

Për ato me mësim të kombinuar klasat do zhvillohen një herë në ambient dhe një herë online dhe do të vlerësohen vetëm në shkollë. Do shtohen detergjenët, maskat, termometrët, do të ketë edhe një person të dedikuar nga sistemi i shëndetit publik pranë shkollës. Personat e dedikuar duhet të jenë kontakti juaj i përditshëm, jo për t’i pyetur formalisht, as për t’i shtuar presionin normal të kësaj pune, por për t’i inkurajuar dhe për t’iu gjendur pranë?, theksoi Rama./ CNA.al





Lajmet e fundit nga