web counter
LEXO PA REKLAMA!

SHKARKO APP

App Store
Google Play

Yuri Kim "vë me shpatulla pas muri" politikanët/ Mbani përgjegjësi për listat, kandidatët të kenë integritet

1 Shtator 2020, 10:25, Politikë CNA

Ambasadorja e Shteteve të Bashkuara të Amerikës në Tiranë, i ka dërguar një letër kryetarëve të partive politike lidhur me situatën politike dhe zgjedhjet e ardhshme parlamentare.

Mësohet se në letrën dërguar kryeministrit Edi Rama, kryetarit të PD-së Lulzim Basha, kryetares së LSI-së Monika Kryemadhi dhe kryetarëve të partive të tjera, Kim i kërkon të mbajnë përgjegjësi për listat e kandidatëve.

Kim vë para përgjegjësisë drejtuesit e partive politike, të cilëve iu kërkon që kandidatët të kenë integritet.

?Kryetarët e partive politike janë përgjegjës për kandidatët për deputetë. Tekse partitë po përgatiten për fushatën zgjedhore, ju si lider i partisë duhet të siguroni pajtueshmërinë e kandidatëve me ligjin shqiptar.

Ne inkurajojmë të gjithë partitë politike të bëjnë Vettingun e kandidatëve dhe të nominojnë ata që janë të kualifikuar dhe të respektuar nga votuesit shqiptarë. Ndërsa individët janë përgjegjës për të zbuluar historinë e tyre kriminale, krerët e partive duhet të sigurojnë integritetin dhe vërtetësinë e deklaratave të atyre që kërkojnë postin nën siglën e partisë.

Ligji i dekriminalizimit përcakton se njerëzit e dënuar, të proceduar penalisht ose me dosje kriminale në Shqipëri ose jashtë nuk mund të kandidojnë për poste publike, as nuk mund të zgjidhen nga njerëzit, apo të bëhen pjesë e administratës publike.

Çdo falsifikim ose mosdeklarim mund të përbëjë vepër penale që i nënshtrohet dënimit sipas legjislacionit penal. Siç e dini, SHBA iu mbështesin në luftën kundër korrupsionit dhe mbështesin të gjithë ata që kërkojnë të ndalojnë korupsionin në radhët e zyrtarëve të lartë dhe ata që veprojnë në kundërshtim me ligjin?, thuhet ndër të tjera në letër./ CNA.al

 





Lajmet e fundit nga