E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Sesioni i ri politik dhe sfida Covid-19/ Tetë konsensuset që kërkohen deri në dhjetor

1 Shtator 2020, 16:38, Politikë CNA

Kuvendi do të nisë javën që vjen punimet e sesionit të 7-të të legjislaturës së 9-të, që mund të konsiderohet si edhe sesioni që do të kërkojë konsensusin partiak për stabilitetin politik të vendit.

Pas një vere të karakterizuar nga akuza dhe kundërakuza, që nga çështja e deformimit të zgjedhjeve në tavolinë, tek menaxhimi i pandemisë e deri tek falja e detit Greqisë, çështja elektorale është më pikantja dhe kërkon dakordësi politike.

Kjo, pasi ligjet që do të miratohen në këtë legjislaturë mund të konsiderohen si kryesore për organizimin e zgjedhjeve të ardhshme parlamentare dhe janë detyra të lëna nga marrëveshja politike e 5 qershorit, që parashikohet të ulë sërish në tryezë opozitën joparlamentare dhe mazhorancën.

Konkretisht, bëhet fjalë për 7 ligje të mbartura, si ai ?Për partitë politike?, ?Për Policinë e Shtetit?, ?Për statusin e gjyqtarëve dhe prokurorëve?, ?Për funksionimin e Prokurorisë së Përgjithshme?, ?Për sinjalizuesit?, apo edhe Kodi Penal dhe Kodi i Procedurës Penale.

Ndonëse për këto çështje ka pasur një dakordësi paraprake në tratativat e zhvilluara në periudhën maj-qershor, sërish konsensusi duket se është thyer. Kjo, për shkak të ndryshimeve kushtetuese që mazhoranca miratoi dhe detyrimisht do të shkojnë në ndryshimin e dytë të Kodit Zgjedhor brenda një harku të shkurtër kohor.

Nenet e ligjit zgjedhor mund të cilësohen edhe si më pikantet dhe që do të kërkojnë një konsensus të domosdoshëm. Pikë së pari është shpërndarja e mandateve për çdo zonë zgjedhore apo edhe detajimi i formulës së koalicioneve parazgjedhore.

Të gjitha këto bisedime dhe marrëveshje, Kuvendi është i detyruar t?i miratojë brenda dhjetorit të këtij viti, pasi 2021 është një vit elektoral dhe shqiptarët këtë herë do t?i drejtohen më shpejt kutive të votimit, madje nga ana e Presidentit, autoriteti që cakton datën e zgjedhjeve, është paralajmëruar se ajo do të jetë e diela e parë e periudhës zgjedhore, pra 18 prilli.

Ndonëse ?ushqimi? për politikën shqiptare është konflikti, partitë dhe kryetarët do të duhet të marrin vendime më konstruktiveve këtë herë, pasi organizimi i një procesi zgjedhor të gjithëpranuar, jo vetëm nga politika e brendshme, por edhe nga ajo ndërkombëtare, është kusht për hapjen e negociatave për anëtarësim.

Dhe të gjitha këto vendime duket se do të merren sërish nën masat shtrënguese anti-COVID ku edhe vetë Kuvendo të rihapë dyert ashtu siç i mbylli, me maska, dezinfektues, orë të reduktuara dhe pa praninë e mediave në ambientet e brendshme./ Euronews Albania