web counter
LEXO PA REKLAMA!

SHKARKO APP

App Store
Google Play

“Partitë kanë probleme të mëdha”/ Përmeti: Ka ardhur koha t’i largojmë të treja palët

2 Shtator 2020, 10:38, Politikë CNA

Deputeti i Bindjes Demokratike Andi Përmeti, tha se dy partitë politike më të mëdha në vend kanë probleme të mëdha brenda vetes.

Për PD-në ai tha se po shikon përplasje mes anëtarëve, ndërsa për PS-në Përmeti theksoi se po sjell si risi njerëzit më të përfolur për korrupsion.

?Mua më vjen keq ta them duke qenë se jam rritur atje dhe kam një aktivitet shumëvjeçar në PD, sot shoh shumë njerëz të cilët shkruajnë nëpër Facebook, dalin në media dhe thonë që emrat u janë hequr në mënyrë të padrejtë, që vlerësimi i kandidatëve nuk po bëhet siç duhet. Kjo do të thotë që ata kanë përplasje mes anëtarëve dhe kjo sjell dëm të madh se kur ka përplasje do të thotë më pak vota.

Njëkohësisht shoh më me trishtim lëvizjen e PS. Dje mu duk sikur po shihja një cirk, se të thuash që unë nuk kam bërë mjaftueshëm në këto 7 vite dhe do bëjë më mirë me njerëz si Ilir Beqja mua më duket si tallje. Të sjellësh njerëzit më të përfolur, më të akuzuar, njerëzit që kanë keqpërdorur taksat e shqiptarëve në mënyrën më të turpshme kur kanë pasur mundësinë dhe t?ja sjellësh popullit shqiptar si një risi për një të ardhme më të mirë kjo më duket ose një shaka ose një risi në grahmat e fundit të një partie?, u shpreh ai në një prononcim për Report Tv.

Gjithashtu deputeti paralajmëroi se ndryshimi mund të sillet vetëm duke larguar tre partitë politike PD-PS-LSI.

?Të treja palët, ju i quani dy, por janë tre se njëra hiqet si e vogël por është pak më e madhe. Të treja palët janë njësoj dhe tashmë ka ardhur koha që qytetarët t?i largojnë të treja palët nëse duan një politikë ndryshe. Të treja këta palë janë identike?, nënvizoi Përmeti./ CNA.al





Lajmet e fundit nga