web counter
LEXO PA REKLAMA!

SHKARKO APP

App Store
Google Play

“Mandatin do ta kisha unë”/ "Pendohet" Safet Gjici, pas deklaratës për Mimi Kodhelin: Më keqkuptuat!

2 Shtator 2020, 15:35, Politikë CNA

Kryebashkiaku i Kukësit, Safet Gjici është tërhequr pas deklaratës që bëri paraditen e sotme, teksa tha se Mimi Kodheli, nuk ka qenë fare e njohur në Kukës.

?Natyrisht që Mimi Kodheli ska qenë e njohur fare në qytetin e Kukësit por partia e solli si kryesuese të listës për deputetë në qarkun e Kukësit. Natyrisht partia dhe ne ishim të bindur për ta mbështetur dhe e mbështetëm dhe sot ajo ka mandatin e deputetit. Tashmë kemi një sistem tjetër zgjedhor, zgjedhje të drejtpërdrejta ku individi që do të marrë më shumë vota do të dalë deputet. Nëse në 2017 do të ishte ky sistem zgjedhor sot në parlamentin e Shqipërisë do të isha unë deputet dhe jo Mimi Kodheli?, tha Gjici.

Ndërkohë para pak minutash, përmes një statusi në profilin e tij në Facebook, Gjici shkruan se deklarata e tij është keqkuptuar dhe se ai ka pasur marrëdhënie të shkëlqyera me Kodhelin dhe Ilir Beqajn.

?Të nderuar miq dua të bëj një reagim të detyruar në lidhje me keqinterpretimin që i ishtë bërë deklaratës sime sot në media. Unë kam patur dhe vazhdoj që të kem marrëdhënie dhe bashkëpunim të shkëlqyer me ish të deleguarin politik të qarkut Kukës z.Ilir Beqja dhe deputeten znj.Mimi Kodheli ku kemi bërë shumë punë së bashku. Në familjen tonë politike të gjithë jemi për një qëllim,fitoren e Partisë Socialiste,?- shkruan Gjici./CNA.al





Lajmet e fundit nga