web counter
LEXO PA REKLAMA!

SHKARKO APP

App Store
Google Play

Shembja e Teatrit/ Luan Rama: Të rindërtohet nga e para sipas projektit të 1939-ës

17 Maj 2020, 16:37, Politikë CNA

Zëvendëskryetari i LSI-së Luan Rama, ka reaguar në një status të gjatë në rrjetet sociale lidhur me shembjen e Teatrit Kombtarë.

Duke e cilësuar si një akt barbar, ai thotë se Teatri duhet rindërtuar nga e para sipas projektit të 1939-ës që qyteti të mos e humbasë këtë shenjë të historisë

?Sot nuk është shembur godina e Teatrit Kombëtar.

Sot është shembur një tempull.

Sot është dhunuar një vend i shenjtë.

Sot është zhdukur një gjurmë e çmuar e historisë qytetare të Tiranës!

Teatri nuk është vetëm i artistëve.

Më së pari, teatri është i qytetarëve.

Teatri e ka fisnikëruar njerëzimin.

Teatri ka gdhendur njeriun dhe e ka çliruar nga egërsia.

Teatri ka meritën kryesore për ndryshimin e mendësisë njerëzore, për qytetërimin e shoqërisë njerëzore.

Çështja e teatrit nuk është çështje sentimenti.

Mund të mendoni se sa emocione ishin arkivuar në atë ndërtesë që u rrëzua më përdhunë…

Njerëzit aty kanë duartrokitur, kanë qeshur, kanë qarë, kanë pranuar, kane refuzuar.

Jeta e kryeqytetit ka qenë e lidhur me atë ndërtesë, sado modeste apo e pavlerë që mund ti jetë dukur ndonjërit.

Sot qeveria e preu, sot qeveria e vrau këtë lidhje, siç në fakt ka prerë e ka vrarë edhe shumë lidhje të tjera!

Qytetit iu vodhën kinematë, për t?u bërë pallate, e i njejti njeri vjen sot dhe vjedh teatrin, emrin, tokën, historinë, emocionet e tij!

Unë nuk jam kundër që në Tiranë të ndërtohet një teatër i ri, modern dhe i bukur.
Madje të ndërtohen më shumë se një.

Por teatri që u prish sot, duhet rindërtuar nga e para sipas projektit të 1939-ës, me qëllim që qyteti të mos e humbasë këtë shenjë të historisë së vet, njësoj siç humbi Sheshin Skëndërbej, i cili nuk është më ai i kohës së Zogut, njësoj siç humbi bulevardin që e përshkonte Tiranën si një arterie e vetme prej Universitetit tek Stacioni i Trenit!

Sot u bë një marrëzi.

Barbarët e shembën teatrin.

Kujtesa qytetare duhet t?i fiksojë emrat e tyre dhe ti trajtojë siç trajtohen barbarët!

 





Lajmet e fundit nga