web counter
LEXO PA REKLAMA!

SHKARKO APP

App Store
Google Play

"Dilni në shesh"/ Edith Harxhi: Sot është ditë zie, mos kini frikë nga diktatura e Ramës

17 Maj 2020, 14:06, Politikë CNA

Ish anëtarja e Këshillit Kombëtar të Partisë Demokratike Edith Harxhi, e ka cilësuar si ditë zie, ditën e sotme për shkak të shembjes së Teatrit Kombëtar.

Harxhi tha se sot u shemb shpirti i Tiranës, ndërsa pretendon se dita e sotme është ferr dhe vendi ka hyrë në diktaturë.

“Mendoj që sot është një ditë zie për të gjithë shqiptarët. Më kujtohet Dante Aligeri me Ferrin. Është pikërisht dita e ferrit, është dhunuar trashëgimia kulturore shqiptare. Kjo përfundoi në një mënyrë shumë të dhimbshme, tragjike. Do doja të shprehja indinjatën time për këtë që po ndodh. Mendoj se Shqipëria ka hyrë në diktaturë dhe kjo është shprehur në disa nivele, por kjo që ndodhi gjatë mesnatës ishte piku, ajsbergu i asaj që do tregojë më tej se si do të vijojë kjo diktaturë. Tek ne është dhunuar liria e të drejtave të njeriut. Është dhunuar liria e fjalës, është dhunuar prona”, u shpreh ajo në Syri Tv, ndërsa bëri edhe një thirrje të fortë.

“Mendoj që ky është fundi i një regjimi në përgjithësi dhe do doja shumë t’i bëja një thirrje të gjithë shqiptarëve kudo që janë të mos kenë frikë. Frika në fund fare do të thyhet, mendoj që sot duhet të shihet si një fillim i ri dhe rizgjimi duhet të jetë i fortë sepse çdo institucion politik ka dështuar. Për këtë arsye ndjej për detyrë t’i bëj thirrje të gjithëve kudo që janë të dalin në shesh, të mbështesin këtë kauzë. Kjo është kauzë e lirisë shqiptare”, nënvizoi Harxhi./ CNA.al





Lajmet e fundit nga