E fundit!

07:24 Ekonomi

Monedhat e huaja në minimumin historik/ Kursi i këmbimit, 15 korrik 2026

Këtë të mërkurë një dollar amerikan blihet me 81.3 lekë dh...

"Mos ngatërroni vijën e kuqe"/ Paralajmëron Fuga: Hija e Teatrit do ju ndjekë

17 Maj 2020, 11:52, Politikë CNA

Akademiku Artan Fuga deklaron se pas shembjes së Teatrit Kombëtar nuk ka më çfarë të thotë dhe kërkon që askush të mos e pyesë.

Fuga thotë se Tiranës iu shkatërruan vlerat në mënyrë kriminale, ndërsa paralajmëron kryeministrin Edi Rama dhe kryebashkiakun e Tiranës Erion Veliajn se hija e Teatrit do t’i ndjekë.

“Sot, pas katastrofës, miq nuk ka çfarë them, ndaj mos më pyesni! Teatri dukej i lëshuar qysh para disaditësh! Mirupafshim! Të na rrojë retorika hipokrite! A thua se politika është tërheqje litari, kala dibrançe, a shtyrje me muskuj. Më vjen keq veç Tiranës sonë që i shkatërruan vlerat në mënyrë kriminale, pa ligj, edhe për ata njerëz të sinqertë të pamanipuluar dhe aspak hipokritë që e kaluara jonë arkitekturale ju dhemb! Hija e teatrit do ju ndjeki!

Unë pres nga opozita të deklarojë që në momentin që do të ketë fuqi, do ta ringrejë ndërtesën po aty, siç ka qenë, moderne e ultramodern nga brenda! Duke e hequr çibanin që po i zë vendin! Që do e përballi këtë çështje juridikisht sapo Shqipëria të jetë me sistem drejtësie, jo ta braktisi sikurse bëri me reformën e pushtetit lokal, me ligjin për arsimin e lartë, jo sikurse la fushatën zgjedhore në 2017 -ën, sikur la në baltë betejën për zgjedhje të drejta në universitete!”, shkruan ai në rrjtet sociale.

Akademiku thotë se po shkelet vija e kuqe ndaj edhe paralajmëron politikanët të mos ngatërrojnë vijat.

Vija e kuqe kundër arbitraritetit nuk mund të ishte ruajtja e ndërtesës të Teatrit! Janë diskutimet që po bëhen nja një kilometër më larg ku po braktisen zgjedhjet e lira, të drejtpërdrejta, reale me lista të hapura! Kush na bërtet se shteti i sotëm është diktaturë!!! Që nuk duhet njohur? Nga ana tjetër negocion si midis të barabartësh për kodin zgjedhor pa zgjedhje dhe pa zgjedhës??? Çfarë hipokrizie politike!!! Aty është vija e kuqe! Mos i ngatërroni vijat ! Merrni njerën për tjetrën! Po nuk bëri këto premtime, atëhere më mirë të heshti! Qëndrojmë në fatin tonë ! Secili në punë të vet!”, nënvizon Fuga./ CNA.al