E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Rama festoi dashurinë me Bashën me shembjen e Teatrit

17 Maj 2020, 08:16, Politikë CNA

Nga mbrëmja e djeshme, deri në orët e para të mëngjesit të sotëm, një operacion policor filloi në kryeqytet dhe vazhdoi me shembjen e Teatrit Kombëtar, një kauzë 2-vjeçare e mbrojtur nga një pjesë artistësh, të cilëve së fundmi iu bashkua edhe Lulzim Basha dhe Monika Kryemadhi.

CNA.al shkroi dje se me vajtjen e Bashës atje, Teatri do të kishte fatin e Astirit, të banesave të kësaj zone apo të djemve të Kukësit që protestuan kundër traut në Rrugën e Kombit, Ligjit të Arsimit të Lartë apo shumë çështjeve të tjera, të cilat Lulzim Basha i kishte tradhtuar, i kishte humbur apo i kishte shitur tek Edi Rama.

Kështu ndodhi edhe me Teatrin fatkeqësisht. Edi Rama urdhëroi shembjen e Teatrit. Ai mori një hap të fortë politik dje, ndërsa nga ana tjetër opinioni publik duket se ishte kundër shembjes së tij. Shumica e shqiptarëve donin edhe një teatër të ri, por edhe rikonstruksionin dhe ruajtjen e atij ekzistuesit.

Kryeministri nuk zgjodhi të dëgjonte shumicën, por hodhi një hap të fortë duke vepruar menjëherë sapo politika u zhyt thellë tek çështja e Teatrit dhe pikërisht në ditën ndërkombëtare të LGBT-ve, në ditën e dashurisë së tij me Lulzim Bashën, fisk në 17 maj të 2017-ës ndodhi takimi i tyre dhe më pas në 18 ndodhi marrëveshja.

Fiks në këtë datë Edi Rama zgjodhi ta shembte Teatrin. Përtej çdo dyshimi se Edi Rama do të zgjidhte një datë tjetër, ai zgjodhi pikërisht datën 17 maj. Pasi e veshi bashkinë me ngjyrat e LGBT-ve, pasi sot kujton edhe dashurinë e tij me Lulzim Bashën, Edi Rama vendosi ta shembë Teatrin, duke i dhënë kësaj date një tjetër simbol.

Mund ta quajmë festim me shkatërrim si një qershi për Lulzim Bashën dhe dashurinë e tyre të vjetër ose thjeshtë për të treguar se Lulzim Basha është i paaftë, se është në pazar me kryeministrin, se kauzat e tij nuk rezistojnë, se ai nuk mbron dot asgjë, është i pafuqishëm, i pavendosur, nuk ka mbështetje dhe zgjidhja e vetme është të vazhdojë të qëndrojë në prehrin e kryeministrit sepse ai nuk mund ta pranojë kurrë ta ketë Lulin larg.

Sot u shemb Teatri dhe me shembjen e Teatrit Edi Rama feston dashurinë me Bashën, feston 17 majin por ndoshta duhet të festojë edhe rënien e tij nga pushteti.

Jo nga Lulzim Basha, jo nga Monika por nga shumica e shqiptarëve sepse edhe pas kësaj kauze në rast se nuk do të gjendet ende një lëvizje politike, ende një reagim qytetar, shqiptarët do të ngelen edhe për shumë e shumë kohë poshtë Edi Ramës, nën këmbët e tij, nën vendimet e tij ekstreme edhe në rast kur ato janë antipopullore, por për më tepër do të jenë nën thundrën e mungesës së një opozite e cila mund të jetë zëri i të vërtetës së tyre që në fakt sot në Shqipëri mungon, pasi Lulzim Bashën nuk e mbështet dhe nuk e do më akush.

Ai është thjeshtë dhe vetëm dashuria e Edi Ramës, që kryeministri e nxjerr lakuriq përpara opinionit sa herë që të ketë qejf. Ata janë bashkë/ CNA.al

Lulzim Basha luan teatër për Teatrin