web counter
LEXO PA REKLAMA!

SHKARKO APP

App Store
Google Play

E fundit!

x

Lulzim Basha luan teatër për Teatrin

16 Maj 2020, 17:56, Politikë CNA

Opozita ka shpallur protestat e saj dhe mbështetjen ndaj aktorëve të cilët janë në mbrojtje të Teatrit Kombëtar, pra rikonstruksionit dhe jo shembjes së tij.

Lulzim Basha dhe Monika Kryemadhi kanë filluar të flenë me turne në Teatër dhe të aktivizojnë gjithashtu mbështetësit për të qenë prezent në çdo kohë, për të mos lejuar policinë bashkiake apo atë të rendit, për të rrethuar godinën e më pas për ta shembur atë.

Po, Lulzim Basha në fakt duket se po luan teatër me Teatrin.

Është fakt se në zgjedhjet e 30 qershorit kryetari i Republikës së Re nuk hyri, duke i dhënë kështu mundësinë Rilindjes së socialistëve të kenë një Këshill Bashkiak me një mazhorancë të plotë me gati 61 vende.

Mos hyrja e opozitës në zgjedhje i ka dhënë në dorë Erion Veliajt shansin e artë që të ketë një mazhoracë absolute për të bërë të mundur miratimin e çdo vendimi, deri në shembjen e Teatrit.

E në rast se do të ishte opozita në Këshillin Bashkiak të Tiranës, pra nëse do të kishte marrë pjesë në zgjedhje, opozita nuk do të kishte këtë mundësi, pasi do të duheshin 3/5 e votave për të shembur Teatrin.

Opozita nuk është, nuk është as në sallën e Këshillit Bashkiak, as në zgjedhje nuk hyri, nuk është as në Këshillat e tjerë Bashkiakë në të gjithë Shqipërtinë, duke i thënë kështu mundësinë socialistëve të bëjnë çfarë të duan dhe si të duan.

Në rast se Lulzim Basha do të kishte hyrë në zgjedhje dhe opozita do të kishte marrë votat që i takonin, të cilat kanë qenë gjithmonë rreth 40% në Tiranë, ky Këshill Bashkiak do të kishte penguar përfundimisht Erion Veliajn që të vazhdonte më tej marrëzinë e Edi Ramës për të shembur Teatrin.

Lulzim Basha është ai që i ka dhënë dorën e fundit kësaj marrëzie. Luli po luan teatër me Teatrin. Një teatër të turpshëm pasi ai vetë është personi që ka vulosur shembjen e Teatrit Kombëtar me mos pjesëmarrjen në zgjedhjet lokale dhe me braktisjen e Këshillave Bashkiakë./ CNA.al





Lajmet e fundit nga