web counter
LEXO PA REKLAMA!

SHKARKO APP

App Store
Google Play

E fundit!

x

"Gjobat janë dhunë e presion"/ Këlliçi: Mos ju bëjë hiç çudi kur t'ju heqin këmbët

16 Maj 2020, 13:51, Politikë CNA

Kreu i FRPD, Belind Këlliçi ka reaguar për gjobat që i janë vënë kryetarit të Republikës së Re Lulzim Bashës gjatë takimeve me biznesmenët dhe qytetarët në Durrës si dhe opozitarëve që shkuan te Teatri Kombëtar.

Këlliçi ka publikuar një foto të Bashës me një qytetare dhe një foto të kreut të grupit parlamentar socialist Taulant Ballës dhe deklaron se numri 2 i PS nuk është gjobitur se po bën propagandë.

Demokrati kujton edhe rastin e të miturit që u dhunua nga policia, ndërsa pretendon se gjobat dhe heqjet e patentës janë presion ndaj opozitës dhe qytetarëve.

“Lulzim Basha që dëgjon hallet e qytetarëve të lënë në mëshirë të fatit, pa bukë, pa asnjë përkrahje, e dëgjon shqetësimet e biznesit, gjobitet! Ne që mbrojmë Teatrin Kombëtar nga trafikantet e drogës që duan të pastrojnë paratë e krimit, duke ndërtuar kulla në vend të Teatrit, gjobitemi e madje na hiqet edhe patenta! Një 15 vjeçar dhunohet barbarisht pse del xhiro me bicikletë, ndërsa Taulant Balla dhe shpura e tij, që dalin për tu shitur shqiptarëve propagandën e rradhës, nuk gjobitet!

Gjobat janë dhunë dhe presion ndaj opozitës, ndaj qytetarëve të thjeshtë, që Rama dhe eskorta e tij e krimit, të vazhdojnë të vjedhin ndërsa bëhen gati të largohen me turpin e merituar. E sa për gjobën dhe tërheqjen e lejes së drejtimit, mos ju bëjë hiç çudi nëse nesër ndaloheni me makinë, e ju heqin këmbët! Vetëm kjo logjike e Rilindjes mund të shpjegojë heqjen e patentës, kur je duke ecur!”, shkruan ai në rrjetet sociale./ CNA.al





Lajmet e fundit nga