web counter
LEXO PA REKLAMA!

SHKARKO APP

App Store
Google Play

E fundit!

x

Teatri Kombëtar do të rezistojë/ Kryemadhi thirrje SPAK: Mbani sytë hapur

16 Maj 2020, 06:54, Politikë CNA

Kryetarja e Lëvizjes Socialiste për Integrim, Monika Kryemadhi ka qëndruar gjatë natës që lamë pas tek teatri Kombëtar, në mbështetje të artistëve, në kauzën e tyre, për të mos lejuar shembjen e kësaj godine.

Ndërkohë në një prononcim për mediat mëngjesin e sotëm, Kryemadhi bëri përgjegjës kryeministrin Edi Rama për atë çfarë po ndodh tek Teatri Kombëtar.

Po ashtu ajo paralajmëroi se teatri do të rezistojë dhe ata do të vijojnë të qëndrojnë aty, në mbrojtje të kauzës së artistëve.

?Kjo qëndresë është gjëja më e pakët për të qënë sy hapur dhe për të mos lejuar shembjen e kësaj godine, që i rezistoi tërmeteve më të fuqishme që ka pasur Shqipëria.

Dhe ashtu siç i rezistoi tërmetit, do ti rezistojë edhe kufomave politike si Edi Rama. Kjo qëndresë do të vazhdojë, asnjërit mos ti shkojë mendja që si skutha të vazhdojë dhe të bëjë gjëra të fshehta siç bënë në mënyrë të paligjshme duke falsifikuar një mbledhje të Këshillit Bashkiak ?-tha Kryemadhi.

Më tej, Kryemadhi i drejtoi edhe një apel SPAK, ndërsa kërkoi që drejtësia të qëndrojë sy hapur.

?SPAK dhe drejtësia të mbajë sytë hapur dhe të vrapojë sa më shpjet, të vëjë para drejtësisë ata njerëz të dalin para drejtësisë dhe të zgjidhet ky ngërç i krijuar nga Edi Rama nëpërmjet grupeve kriminale?-tha Kryemadhi./ CNA.al





Lajmet e fundit nga