E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Video-Ben Blushi ndërtim pa leje në Dardhë?!/ Debate me banorët

15 Maj 2020, 12:16, Politikë CNA

Ish-kryeministri Sali Berisha ka publikuar sot denoncimin e një qytetari në drejtim të ish-politikanit, aktualisht drejtor i Top Channel, Ben Blushit.

Në një postim në rrjetet sociale, Berisha shkruan se me ndihmën e Ramës, Blushi po grabit mijëra troje në Dardhë të Korçës. Po ashtu ai shkruan se Blushi ndërkohë jo vetëm që po ndërton pa leje, por edhe ka pasur përplasje me banorët.

?Arben Malavita nen akuza te renda:

-grabit me ndihmen e Edvinit mijra meter troje ne Dardhe
-ben ndertim pa leje dhe
– sherr me banoret e Dardhes!

Asnjeri nuk guxon te kontrolloje veprmitarine e tij kriminale.?-shkruan Berisha.

Ndërsa më tej, ai publikon edhe denoncimin e qytetarit, sipas të cilit, Blushi ka marrë truallin e dikujt tjetër dhe po ndërton aty. Ai pretendon se ndërtimi është i legalizuar, por ndërkohë në Dardhë nuk lejohet të ndërtosh.

Ndërsa në rastin e Blushit, sipas denoncuesit asnjë prej institucioneve të shtetit nuk e merr mundimin të verifikojë asgjë.

Në denoncimin e bërë nga qytetari, duken disa persona që punojnë në shtëpinë e Ben Blushit në Dardhë, ku ka pasur edhe një debat me banorët e zonës.

Sipas tij, bashkëshortja e Ben Blushit, Eva Blushi është përplasur edhe me banorët për shkak të punimeve që po kryhen.

Por, ajo që bie ne sy është fakti se pretendohet që ndërtimet po kryhen me leje, por Bashkia e Korçës ende nuk e ka konfirmuar ka apo jo leje.

Nga ana tjetër duket se punëtorët janë pa maska, pa mjete mbrojtëse, megjithëse jemi në një situatë Covidi dhe masat duhet të jenë të larta. Por, siç e shikoni në video, punëtorët punojnë pa asnjë mjet mbrojtës.

“Toka eshte e tjeter kujt. Ky ja vjedh dhe e nderton. Ky gjoja me legalizim po e nderton. Ky ja vjedh dhe e nderton. Ka hedhur për legalizim 2000 m katrorë, ndërkohë ligji lejon deri në 500 m. Në Dardhë është ndaluar çdo ndërtim bën burg, po të ndërtosh kotec për pulat. Atje vlla të vjen ndërtimorja, urbanistika, inspektoriati i punës, ehu ehu. As e merr mundimin asnjë nga institucionet e shtetit të shkojë ta verifikojë. Ktyre të shkretëve që ankohen, as polici i zonës nuk ju shkon se ka frikë?-shkruhet në mesazhin e denoncuesit, te publikuar nga Berisha./ CNA.al