web counter
LEXO PA REKLAMA!

SHKARKO APP

App Store
Google Play

E fundit!

x

Çfarë do të ndodhë me Teatrin?

16 Maj 2020, 09:14, Politikë CNA

Ditët e fundit është kthyer në vëmendjen e opinionit publik debati i fortë për shembjen ose jo të Teatrit Kombëtar. Një godinë e ndërtuar në kohën e fashizmit, por e sulmuar si objekt dhe me pasion të madh për t?u shkatërruar nga kryeministri i vendit, Edi Rama.

Së fundi ai ia kaloi Bashkisë në pronësi. Një akti i çuditshëm, ku një Teatër Kombëtar ngelet në pronësi të pushtetit vendor dhe më pas duket se po bëhen gati gjërat për ta shembur.

Gjithçka filloi më një debat i cili u kthye në një përplasje politike, sepse fillimisht ishin një grup aktorësh që kundërshtuan, mes tyre edhe personalitete si Robert Ndrenika, e të tjerë, të cilët tani duket se janë tërhequr nga ky qëndrim dhe në mbështetje të kauzës, aktorët duket se janë rralluar megjithëse ka shumë prej tyre që e mbështesin.

Ka edhe njerëz të shoqërisë civile, aktivistë, njerëz të Partisë Demokratike, të cilët e kanë spostuar nga një kauzë e artistëve dhe qytetare, në një kauzë politike.

Tek Teatri është shfaqur Lulzim Basha dhe Monika Kryemadhi, dy ditët e fundit dhe shfaqja e tyre tregon se çfarë do të ndodhë me Teatrin.

Politizimi i çështjes është një armë në dorë të Edi Ramës. Vajtja e Kryemadhit dhe Bashës tek Teatri Kombëtar është një arsye më shumë në mbështetje të kryeministrit, që ky i fundit të thotë se nuk është një çështje e vetë aktorëve, por është një çështje e politizuar, ku opozita kërkon të ngrejë kauzat e saj, ashtu siç bëri me Unazën e re, me çadrën, e kështu me radhë.

Prandaj, Rama me këtë armë, pra me politizimin e çështjes, do ta ketë më të thjeshtë për të vepruar.

Çfarë do të ndodhë më tej?

Ajo që do të ndodhë me Teatrin tashmë thuajse është e parashikuar. Siç e përmendëm më lart, një shembull është Unaza apo Rruga e Kombit, apo edhe dhjetëra kauza të tjera, të tradhëtuara nga Lulzim Basha.

Përfshirë këtu që nga fillimet e tij si opozitar, ku gënjeu publikisht për Ligjin e Arsimit të Lartë, dhe nuk e çoi kurrë në Gjykatën Kushtetuese.

Për Rrugën e Kombit, ku u burgosën me dhjetëra të rinj të cilët protestuan dhe kundërshtuan koncesionin e kësaj rruge. Lulzim Basha e braktisi kauzën dhe përfitimet ishin të kunatit të tij, i cili si ?shpërblim? mori zyrat tek ish-hotel Sheraton, pra tek kompania e cila kishte marrë me koncesion Rrugën e Kombit.

Kështu ndodhi edhe me banorët e Unazës. Lulzim Basha gjoja i mbështeti ata, ndërsa shkoi në Pazar. Tenderi u bë, godinat u shkatërruan, Unaza po ndërtohet dhe Lulzim Basha vazhdon të heshtë.

Heshti për koncesionin e inceneratorëve. Nuk jep fakte, nuk e çon në SPAK.

Hesht për pasurinë e Ben Blushit, nuk e çon në SPAK.

Hesht për pazaret e televizionit Top Channel, me qeverinë dhe nga ana tjetër bën avokatinë e një televizioni që nuk ka për t?u mbyllur kurrë. Por, shkon edhe tek Teatri me besimin se poi  hedh ?bënzinë zjarrit? dhe po ndez revoltën popullore.

Por, ajo që do të ndodhë është e thjeshtë. Sapo të happen rrugët dhe të rifillojnë fluturimet, Lulzim Basha do t?i hipë avionit për të shkuar në Hollandë, për të vaditur tulipanët e tij. Dhe atë mbrëmje që nuk do të jetë shumë vonë, teatri do të rrethohet, personat që do të jenë brenda do të nxirren jashtë nga policia dhe do të shembet, ashtu siç ndodhi me Unazën e re.

Pikërisht sepse atje shkoi Lulzim Basha. Pikërisht sepse çështja u politizua. Tashmë ai Teatër është më i shembur se kurrë./ CNA.al





Lajmet e fundit nga