web counter
LEXO PA REKLAMA!

SHKARKO APP

App Store
Google Play

Basha takim me fermerët/ “Ramavirusi” ka prekur rëndë çdo qelizë të ekonomisë

16 Maj 2020, 09:48, Politikë CNA

Kryetari i Partisë Demokratike, Lulzim Basha ka zhvilluar takim me fermerët e Divjakës dhe Karbunarës, të cilët ndanë shqetësimin për situatën e rënduar në sektorin e bujqësisë.

Në një postim në rrjetet sociale, Basha shkruan se qeveria nuk iu ka dhënë asnjë ndihmë konkrete deri më sot.

?Me banorët dhe fermerët e Divjakës dhe Karbunarës ndamë shqetësimin për situatën e rënduar në sektorin e bujqësisë.

RAMAVIRUSI ka prekur rëndë çdo qelizë të ekonomisë, përfshirë dhe bujqësinë dhe agrobiznesin.

Asnjë ndihmë konkrete nuk është dhënë deri më sot për këtë sektor që si e gjithë ekonomia po vuan pasojat e pandemisë ekonomike të qeverisë Rama.?-shkruan Basha.

Sipas tij, fermerët janë të shqetësuar për koston e shtuar të prodhimit dhe konkurencën e pandershme nga produktet e importit të cilat vijnë të subvencionuara nga vendet e origjinës. Produktet e tyre edhe pse shumë cilësore kalben ose groposen bashkë me investimin dhe djersën e tyre.

?Ekonomia shqiptare është në krizë të thellë, papunësia po rritet çdo ditë, konsumi është në kolaps dhe njerëzit kanë çdo ditë e më pak mundësi për të blerë.?-thekson Basha.

Po ashtu, ai shkruan se ?Bujqësia shqiptare dhe fermerët përballen me falimentim ekonomik, sepse edhe para pandemisë nuk kishin asnjë mbështetje. Sot ata kanë nevojë për përkrahje financiare dhe masa konkrete e jo fjalë boshe në facebook.

Pandemia ekonomike e shkaktuar nga RAMAVIRUSI po godet dhe rrënon fermerët e lënë krejtësisht pa mbështetje.?





Lajmet e fundit nga