web counter
LEXO PA REKLAMA!

SHKARKO APP

App Store
Google Play

E fundit!

x

Video-“Fadroma do kalojë mbi trupat tanë”/ Teatri u shemb teksa Basha flinte e Kryemadhi stërvitej

17 Maj 2020, 12:26, Politikë CNA

Prej orëve të para të mëngjesit të sotëm, ende pa u hapur dita, fadromat filluan shembjen e godinës së Teatrit Kombëtar.

Prej disa ditësh kreu i PD, Lulzim Basha dhe kryetarja e LSI, Monika Kryemadhi deklaronin të bindur se Teatri do të shembej vetëm nëse fadroma do të kalonte mbi trupat e tyre.

Mëngjesin e sotëm në orën 04:30 të mëngjesit, deklaratet e forta të dy kryeopozitarëve, i mori era.
Fadromat nisën shembjen e godinës së Teatrit ndërkohë që Basha dhe Kryemadhi nuk mundën të bënin asgjë për ta ndaluar këtë.

?Nëse do të vjnë fadromat, Monika Kryemadhi e Lulzim Basha do jenë përballë fadromave dhe le të hypin mbi trupat tanë? deklaroi mbrëmë kryetarja e LSI.

Pa ?u ftohur? ende mirë deklarata e saj, fadroma shkoi të Teatri dhe filloi me shembjen e tij.

Kryemadhi largoi nga ambientet e Teatrit Kombëtar disa dhjetra aktivistë të shoqërisë civile që ishin të pranishëm në godinë. Edhe ish- deputetja e PD, Albana Vokshi i ka dhënë ?dorën? e dytë largimit të njerëzve nga ambientet e teatrit rreth orës 4 të mengjesit. Ajo ka kërkuar që të rinjtë e FRPD të largoheshin pasi sot nuk do kishte më shëmbje. Ashtu si dhjetra aktivistë të shoqërisë civile edhe disa dhjetra të rinj të FRPD janë larguar, pas kërkesës së Vokshit.
Ndërkohë mëngjesin e sotëm, thirrjes për tju bashkuar protestës, qytetarët nuk iu përgjigjën.

Tashmë Monës dhe Lulit nuk i ka mbetur gjë tjetër vecse të bëjnë atë që dinë të bëjnë më mirë.
Mona të stërvitet duke bërë pompa, Luli të vazhdojë të flejë./CNA.al





Lajmet e fundit nga