Morali i Çlirim Pekës/ Nga Fahri Balliu tek Ilir Meta dhe Erjon Veliaj

17 Maj 2020, 13:21, Politikë CNA

Çlirim Peka, ka bërë një reagim në rrjetet sociale duke kërkuar që ata që po sulmojnë sot Bashën, të heshtin sepse fajin se ka opozita për shembjen e Teatrit, por opozita mbron demokracinë dhe këta që po e shajnë Lulin po veprojnë gabim nga inati se nuk i vendosi në listat e 2017-ës.

Në fakt kur moralin e bën Çim Peka, duket se ai është imoral ose mund të jetë fiks si morali i prostitutës të përjashtuar nga shtëpia publike për imoralitet.

Le të shohim faktet

Çim Peka është një nga miqtë e ngushtë të kryebashkiakut Veliaj, media e tij është totalisht në dispozicion të Erjonit të cilin bën sikur e sulmon.
Kujtojmë dy ditë më parë se ai u shfaq menjëherë tek televizioni i Çimit, të cilit nuk i dihen burimet e financimit. Por, pas Veliajt shkolla e Çim Pekës është ajo e Fahri Balliut e gazetës 55, një produkt i saj dhe vetë ka një të shkuar nëse do e shikojmë përtej asaj që duket në fasadë, të lidhur me diktaturën.

Le të kthehemi pas në kohë, le të shohim 2017-ën.

Ka një ngjarje dhe histori që Çim Peka e tregon në tavolina por, nuk e ka shkruar dhe nuk e ka thënë ende pubikisht. Një takim të tijin me Lulzim Bashën në vitin 2017, gjatë kohës së çadrës kur ky i fundit i kishte thënë Çimit i se duheshi para që të vendoste të vëllain kandidat, këto si shpenzime për fushatën a diçka e tillë. Në fund, morali i Çim Pekës është Ilir Meta, shoku dhe miku i tij i ngushtë.

Prandaj të bësh moral si produkt i Fahriut, si i dashuruar pas Lulit, kur Lulin e ke akuzuar dhe sharë deri në brezin e tij të shtatë, të bësh moral si shok i Ilir Metës apo vëllai i tij e të flasësh duke sulmuar dhe akuzuar të tjerët se po thonë mendimin e tyre kundër Lulzim Bashës, është thjesht e neveritshme.

Kjo, sepse Lulzim Basha po merr përgjigjen për atë që premtoi se do të kalonin mbi trupin e tij dhe të Monës që të shembej teatri, ndërkohë që Luli po flinte gjumë dhe Monika iku me vrap.

Kështu ndodhi edhe me Unazën dhe me banorët e Astirit, kështu ndodhi edhe me djemtë e Kuksit që u lanë në burg dhe kunati i Lulim Bashës shkoi dhe çoi zyrat tek oligarku që fitoi koncesion.
Kështu ndodhi edhe e çadrën në 2017, në kohën kur Çimi takohej me Lulin.

Kështu ndodhi edhe me ligjin e arsimit të lartë, kështu ndodhi edhe me Reformën në Drejtësi që deri në momentin e fundit thoshte ?nuk do ta votojmë? dhe shkoi e voto me vrap. Ky është Lulzim Basha dhe morali që bën Çimi.

Le ta mësojnë Çim Peka dhe Çlirimtarët e tjerë me aksidente të fshehura se nuk vjen kurrë PD-ja në pushtet me këtë filozofi e strategji që ka. Republika e re e ka shkatërruar PD-në, prandaj që të rrëzohet Edi Rama, një orë e më parë duhet të ikë Lulzim Basha./CNA.al