web counter
LEXO PA REKLAMA!

SHKARKO APP

Lirohet pas disa orësh/ Robert Budina i bashkohet sërish kolegëve: Do rrimë këtu

17 Maj 2020, 12:44, Politikë CNA

Aktivisti i Aleancës për Mbrojtjen e Teatrit dhe regjisori Robert Budina është liruar pas disa orësh i shoqëruar nga forcat e policisë.

Budina është rikthyer pranë godinës së shembur të Teatrit Kombëtar ku po protestojnë kolegët e tij dhe ngriti akuza të forta ndaj policisë.

Regjisori sulmoi kryeministrin Edi Rama për shembjen e Teatrit dhe paralajmëroi se rezistenca e artistëve do të vazhdojë.

“Mua më liruan të fundit. Policët më justifikuan se s?kemi çfarë të bëjmë. Më thonin që ky popull jemi ne. Turpin e paçi ju, aty do rrini me orë, me ditë, me netë, pastaj shkoni dhe kërkojuni shpërblim që ju lanë këtu si qenër. Shumë policë mund të jenë paguar nga oligarkët, se nuk shpjegohet ndryshe dëshira e tyre për të shembur dhe shkallmuar Teatrin. Rama e ndërtoi farrën e të keqes dhe na i solli mu para turinjve. Tani gëzojuni dhe kënaquni me të. Edhe 10 veta po të jemi e përmbysim këtë simbol. Dhe do shohim në ditët në vijim kush ka pasur të drejtë. Sërish mund të bëhet. S?ka problem. Zotërinjtë duhet të rrinë këtu?, deklaroi ai./ CNA.al





Lajmet e fundit nga