Pse banorët e Tiranës nuk po protestojnë tek Teatri

17 Maj 2020, 13:56, Politikë CNA

Me një akt të paprecedent të qeverisë dhe me një vendim të bashkisë së Tiranës, sot në mëngjes u shemb godina e Teatrit Kombëtar. Pas një debati që shkon të paktën 20 vite, godina u shemb, policia e rrethoi, INUK nxorri fadromat dhe e shkatërroi.

Të gjithë njerëzit në reagimet në rrjetet sociale, përfshi dhe të majtët ndjenin një hidhërim brenda vetes, ndjenin se ka ndodhur një akt fyes ndaj tyre pasi shumica e shqiptarëve ishin me varianin që Teatri të rikonstruktohej dhe të ndërtohej një Teatër i ri diku tjetër.

Kjo do të ishte një zgjidhje shumë e mirë për të qenë të gjitha palët e kënaqura dhe Tirana do të kishte 2 Teatro, do të ishte edhe më e bukur akoma. Por, Rama zgjodhi ta shembte, nga ana tjetër përtej mërzisë që shfaqet nga reagimet të forta ndaj qeverisë duket se nuk ka një mbështetje të fortë tek Teatri nga qytetarët dhe banorët e Tiranës, si një revoltë ndaj shembjes së tij.

Pse ndodh kjo?

Më një analizë të thjeshtë e kupton! Lulzim Basha dhe Monika Kryemadhi kanë mëkatet e tyre kaq të mëdha, sa dhe qyetarët ndoshta mund ta urrejnë pafundësisht Edi Ramën, por nuk besojnë tek Luli dhe Mona.

I pari, trupin e tij e vuri në dispozicion të Astirit, Rrugës së Kombit, Lulzim Basha, kështu tha dhe për Teatrin.

Kështu tha dhe Mona se fadromat duhet të shkelin mbi trupat e tyre por, të gjitha kauzat që kanë qenë bashkë janë çmontuar.

Edhe kauzat ku Luli ishte vetë, historia e çadrës ku shante LSI apo thoshte se Xhafaj nuk futej dot në zyrë, ose do të kalonte mbi trupin e tij.

Të gjitha kauzat e tyre janë të dështuara, pa folur për historikun e tyre politik. Për Monikën që është kthyer në një miliardere apo për Lulzim Bashën që e përdori Partinë Demokratike për tu pasuruar, që jeton në vilat e oligarkëve që sulmon nga sallat e konferencave të shtypit, e pastaj hesht sapo rehatohet në pronat e tyre. Nuk kishte si të ndodhte ndryshe, qytetarët e Tiranës nuk mund t?i besojnë këta dy klloua.

Në fakt janë pesë, bashkë me, Metën, Lali Erin dhe kryeministrin i cili është në krye të tyre.

Janë bashkë, në pazar prandaj dhe qytetarët nuk shkojnë të protestojnë dhe nuk dalin tek Teatri sepse nuk mund të besojnë as Monikën, as Lulin, as Liken, që nuk janë ortakët e Edi Ramës, ata janë bashkë, ata janë pesë.

Qytetarët e Tiranës e dinë dhe e shohin çdo ditë dhe shembja e Teatrit është vepër e tyre me konsensusin e tyre dhe e bënë të pestë, jo vetëm Rama./CNA.al