Elbasanasit po bëhen “bullgarë dhe rumunë”

5 Shkurt 2020, 12:07, Politikë CNA

Situata e rënduar politike dhe ekonomike, e cila ka mbërthyer vendin, kriza e thelluar ekonomike, po detyrojnë qindra të rinj nga Elbasani, të aplikojnë për pasaporta kryesisht bullgare, por edhe rumune. Ky qytet, aktualisht ka një komunitet të konsiderueshëm për mbi 12 mijë familjesh nga zona e Gollobordës, që flasin gjuhën bullgaro-maqedonase dhe që shumica e tyre janë pajisur edhe me pasaportë bullgare.

Por kjo duket sa ka u dhënë atyre prej vitesh lehtësinë e lëvizjes jashtë vendit në shtetet e BE, duke synuar kryesisht shtetet nordike apo dhe Anglinë. Vetëm për vitin 2019 nga Elbasani janë larguar dhe janë vendosur në shtetet nordike dhe Angli mbi 850 familje, të gjitha të pajisura me pasaporta bullgare e rumune, kurse për vitin 2020, këkesat janë në rritje.

Kjo siç duket i ka joshur edhe pjesën tjetër të banorëve të Elbasanit, kryesisht të rinjtë, që kanë mbaruar shkollat dhe janë të papunë, të cilët kanë aplikuar tashmë pranë Ministrisë Punëve të Jashtme në Sofje dhe po ndjekin procedurat e duhura, duke nisur nga analizat mjeksore për HIV/AIDS, dhe procedura të tjera zyrtare.

Një ndër kriteret për ti pajisur shtetasit shqiptarë me pasaportën e Bullgarisë dhe Rumanisë, autoritetet e atyre vendve anëtare të BE, kanë patur dhe kanë kushtin që ?çdo shtetas shqiptar të ketë lindur në zonën e Gollobordës dhe fshatrave ku ka etni rumune?, por duket se edhe kësaj kërkese, ja kanë gjetur ?hilenë?, duke fallcifikuar çertifikata apo edhe dokumenta të tjera zyrtare.

Burime tepër të besueshme nga Ambulanca Qëndrore Elbasan i thanë CNA.al se ?pothuajse çdo ditë kemi dyndje nga të rinj dhe të reja, që kërkojnë të bëjnë testin e HIV/AIDS, pasi u kërkojnë dokumentacion të rregullt zyrtar nga Ministria e Jashtme e Bullgarisë dhe Rumanisë, për të vazhduar më pas me aplikimin, procedurat e pajisjes me pasaporta të atyre vendeve anëtar të BE?.

Sipas të njëjtit burim vetëm në dy-tre muajt e fundit janë paraqitur dhe kanë kryer këto analiza të veçanta mjeksore mbi 316 të rinj, djem dhe vajza, por nuk kanë munguar edhe mosha të tjera, madje edhe ata që janë në marrëdhënie pune në shtet?.

Elbasani mbetet një ndër qytetet e mëdha të vendit, me rritje të papunësisë, ka ikje të rinisë jashtë shtetit, rritje të numrit të atyre që e braktisin shkollën për shkaqe ekonomike dhe familjare, duke parë si zgjidhje vetëm ikjen drejt BE. Por shpikja më e fundit, pajisja me pasaporta bullgare e rumune, nuk mbetet zgjidhje e duhur dhe afatgjatë, pasi realisht mbetet një rrezik tjetër për të ardhmen e vendit.

Kjo pasi Elbasani shumë shpejt mund të konsiderohet si qyteti me afro 25 apo 30 per qind të popullatës me kombësi dhe shtetësi bullgare. Kjo situatë paradoksale, e cila i detyron shqiptarët të ndryshojnë shtetësinë dhe kombësinë, mbetet këmbana e alarmit për çdo politikan dhe parti politike në Shqipëri, pasi qeveria duhet të hapë çdo kanal komunikimi me qytetarët e saj.

Mbetet detyrim ligjor i çdo politikani apo deputeti të qarkut, që i thotë vehtes patriot, të ngrejë zërin fuqishëm dhe të japë alarmin e braktisjes së vendit nga rinia, të japë alarmin e tjetërsimit të shqiptarëve në bullgarë e rumunë, pasi realisht ky mbetet edhe krim shtetëror, pasi nesër do të jetë shumë vonë./ CNA.al