“Shkoi për të xhiruar shown e radhës dhe dhunoi recepsionisten e godinës”/ Bashkia e Tiranës padit Bashën

4 Shkurt 2020, 21:45, Politikë CNA

Bashkia e Tiranës ka paditur kryetarin e opozitës Lulzim Bashën se ka hyrë me dhunë në ambjentet e godinës numër 4 në Qytetain Studenti dhe ka dhunuar recepsionisten, së bashku me 4 shoqërues të tij.

Në një deklaratë për mediat, Bashkia e Tiranës thotë se Basha kishte hyrë në godinë me 4 shoqëruesit e tij, jo studentë, të pajisur me kamera për show-n e radhës, siç raportoi më parë edhe CNA.al.

?Bashkia e Tiranës dënon dhunën e ushtruar ndaj recepsionistes së Godinës nr. 4 në Qytetin Studenti nga qytetari Basha dhe tabori i tij i figurantëve, që prej disa ditësh kanë nisur të xhirojnë klipe nëpër Tiranë, si këngëtarë tallavaje, dhe dëshiron të informojë qytetarët se ka nisur menjëherë procedurat për denoncimin e tij para organeve ligjzbatuese si dhunues?, thuhet në reagim.

Sipas bashkisë, në mjediset e godinave të Qytetit Studenti mund të hyhet vetëm duke marrë një leje paraprake pranë Drejtorisë së Konvikteve, dhe Lulzim Basha nuk ka kërkuar dhe nuk ka marrë leje për të hyrë në Godinën nr.4.

Më tej theksohet se kjo godinë ku ka shkuar Basha të xhirojë videon e radhës, do të nënshkrohet rikonstruktimit.

?Nisur nga kjo, duam t?i drejtojmë disa pyetje aktorit Lulzim Basha: Sa konvikte keni rikonstruktuar apo ndërtuar, në 4 vjet si kryetar i Bashkisë së Tiranës? Sa shkolla keni rikonstruktuar apo ndërtuar, në 4 vjet si kryetar i Bashkisë së Tiranës? Sa karta studenti keni dhënë për studentët e Tiranës, në 4 vjet si kryetar i Bashkisë?

Përgjigjet e këtyre pyetjeve janë: Zero! Zero! Zero! Sepse Lulzim Basha jo vetëm që nuk ndërtoi e as rikonstruktoi ndonjë konvikt për studentët, por sot drejton partinë që zaptoi 3 konvikte për 30 vjet. Lulzim Basha, në sytë e qytetarëve të Tiranës si ish kryetar i Bashkisë është një zero, i cili nuk do të bëhet kurrë Kryeministër me një CV të mbushur me zero në çdo punë të dhuruar nga partia, që po e shkatërron përditë. CV-në e mbushur me zero nuk do mund t?ia pastrojnë as videot e xhiruara nëpër Tiranë me figurantë të marrë borxh nga Forumi Rinor i PD-së?, thekson Bashkia e Tiranës./ CNA.al