web counter
LEXO PA REKLAMA!

SHKARKO APP

App Store
Google Play

“Nismë e vonuar që do dështojë”/ Biberaj: Ja kur do ketë sukses paketa Anti-KÇK

4 Shkurt 2020, 18:22, Politikë CNA

Anëtari i Këshillit Kombëtar në Partinë Demokratike Aleksandër Biberaj tha se paketa Anti-KÇK, është një nismë e vonuar, që sipas tij do të dështojë.

Këtë paketë, Biberaj e sheh si një përpjekje për të nxjerrë jashtë loje SPAK-un.

?Nisma vjen pas 7 vitesh. Është nismë tepër e vonuar, është vetëm propagandë. Aq më tepër që sekuestrohen pasuri që kanë qenë dikur. Ata grupe këtu kanë qenë. Pronat e tyre kanë qenë të konfiskuara. Nuk ka nevojë të ndërhyjë policia, kur ke gjykata dhe Prokuroria. Kjo është lojë për të nxjerrë jashtë loje SPAK dhe Reformën në Drejtësi. Padyshim që goditja do jetë selektive. Unë e shoh iniciativë të dështuar. Unë jam kundër kriminelëve, por mënyra si po bëhet dhe kush e merr nismën, tregon se nuk do të ketë asnjë gjë të re. Aq më tepër që kemi lirim të anëtarëve të bandave. Nuk shoh vullnet, pasi nuk ka pasur në 7 vjet?, u shpreh demokrati në rubrikën ?Opinion? në News 24.

Aleksandër Biberaj ngriti akuzat se kryeministri Edi Rama është vetë krye-KÇK-ja, ndërsa tha se suksesi do të arrihet vetëm kur të goditen politikanët e korruptuar.

?Kur shikoj se maxhoranca është palë me krimin, nuk besoj. Suksesi do të jetë kur të goditen politikanët e korruptuar. Goditja kryesore duhet të bëhet ndaj politikanëve. Kemi ardhur këtu për shkak të lidhjes të politikës me banditët. Në Shqipëri kriminelët hanë e pijnë me politikanë dhe kjo është alarmante?, tha Biberaj, teksa deklaroi se SPAK e nisi punën mbrapsht, pasi ktheu dosjen e Dibrës.

Për ardhjen e ambasadores së re të SHBA-ve Yuri Kim, demokrati tha se ajo do të jetë mbështetje për opozitën.

?Ambasadorja patjetër do të mbrojë interesat amerikane. Për ne është e rëndësishme. Do të jetë mbështetëse për ne. Ne jemi treg i vogël. Ne kemi interes më shumë për Amerikën sesa ata për ne. Opozita ka marrëdhënie shumë të mira me ndërkombëtarët. Opozita ka marrëdhënie tepër të mira me ndërkombëtarët dhe na kanë kuptuar edhe kur dogjëm mandatet?, nënvizoi ai./ CNA.al





Lajmet e fundit nga